၁။
ထိုညက စစ်ကိုင်းကိုဝင်တော့ ညကိုးနာရီဝန်း ကျင် လောက်ရှိမည်။ လရောင်နှင့် လျှပ်မီးအ လင်းတွေက ဧရာဝတီမြစ်ရေပြင်ကို ရောင်ပြန် ဟပ်စေကာ စစ်ကိုင်းတံတားကြီးဆီ ဘော်ငွေ ရောင်
ပက်ဖြန်းထားသလို ဖြစ်နေလေသည်။ တံတားပေါ် ကားဖြတ်စဉ် သူ့အတွက် ပထမ ဆုံးသောမြင်ကွင်းမို့ ချမ်းချမ်းစီးစီးကြားက တံ တားအောက် မြစ်ရေပြင်ကိုတလှည့် ညရိပ်နှင်း မှုန်တွေကြား မှိုင်းဝေရီစွာမြင်ရသည့် စစ်ကိုင်း တောင်ရိုးနှင့် တဖက်ရှိ ရွှေကြက်ယက်ရွှေ ကြက်ကျ ဘုရားစေတီများဆီသို့တခါ အလုအယက် ကြည့်ရသည်။
ရှုမငြီးဘွယ် မြင်ကွင်းများ။ တနေကုန်ခရီးပန်းလာသည့် နွမ်းနယ်စိတ်သည်ပင် မြစ်ပြင်ကိုဖြတ်တိုက်လာသည့် ဆောင်းလေအတွေ့ ကြောင့် ခဏချင်းလန်းဆတ်ကြည်မွေ့သွားရသည်။ ဖြစ်နိုင်လျှင်သည် မြင်ကွင်းတွေကို အာရုံရိပ်ထဲ၌ စွဲထင်ခပ်နှိပ် ကျန်ရစ်ချင်သည်။ စစ်ကိုင်းအဝင် ဘော်ငွေရောင်တံတားကြီးနှင့် ရာဇဝင်ထဲက ဧရာဝတီသတို့သမီး။ ဟိုးမှာ ညှို့ရီမှိုင်းပြနေသည့် စစ်ကိုင်းတောင်တော်ရိုး။ လရောင်က နှင်းမှုန်များကြား တိုးဝှေ့ဖြန့်ခင်းကျလာတော့ စိန်စစိန်မှုန် ငွေစ ငွေမှုန်များနှယ် လဲ့ဖြာ ဖိတ်တောက်သည့်ရှုခင်းပန်းချီ။
“မနက် ၄ နာရီမှာ စစ်ကိုင်းကပြန်ထွက်မယ်၊ ဒါမှ ဟိုဘက်ကို မီမှာ၊ မင်းမနိုးမှာစိုးလို့”
ခရီးစဉ် ကိုဦးဆောင်လာသူက မန္တလေးမှာ ညစာစားစဉ် သူ့ကို သတိပေးထားနှင့်သည်။ သူက မန္တလေး၊ စစ်ကိုင်း၊ အမရပူရ၊ ဦးပိန် တံတား၊ တောင်သမန်အင်း စသည်စသည်တို့ နှင့် စာတွေထဲမှာ ဖတ်ဖူး ရင်းနှီးပြီးကာ နုလုံးသားထဲမှာ ရှိနှင့်နေသည့် ကြားဖူးနားဝ နေရာများသို့ ရောက်တုန်းပေါက်တုန်း သွားချင်သည်။ တညတနေ့ မက နေချင်သည်။ ကြည့်ငေးဆွတ်ပျံ့ခံစားချင်သည်။ ဒါပေမဲ့ ဒီခရီး ဒီလမ်းတွင် သူက ပဓာနဇာတ်ကောင်မဟုတ်၊ ကပ်ပါး။ မရောက်စဖူးမို့ မနည်းတောင်းပန်ခယရင်း လိုက်လာခွင့်ရသည်ကပင် သူ့အ တွက် မဟာကံထူးသူ။ .. ဆိုတော့ သူ့ဆန္ဒဟူသ မျှ အချည်းအနှီး။ စစ်ကိုင်းကိုဝင်တော့ အဝေးဆီက လွင့်စည်ပျံ့ဝဲလာသည့်အသံများ သူသတိထားမိသည်။ ကျပန်းစကား ပြောပွဲလား၊ စကားရည်လုပွဲများလား။ ပရိသတ်ရယ်မောသံကိုပင် အတိုင်းသားကြားနေရသည်။ အော် လွတ်လပ်ရေးအကြိုညပေကိုးလို့သူ သတိထားမိသည်။ ရွှေကိုင်းသူရွှေကိုင်းသားများ နောက်နေ့မနက်တွင်ကျရောက်မည့် လွတ် လပ်ရေးအောင်ပွဲနေ့ကို ဆင်နွှဲနေကြခြင်း ဖြစ်ပေမည်။ သူက တော့လှပသောထိုတညကိုနှင်းမှုန်များနှင့်အတူမအိပ်ရက်ခဲ့။
၂။
လွတ်လပ်ရေးနေ့၊ နံနက် ၄ နာရီ။
စစ်ကိုင်းကပြန်ထွက်။
စစ်ကိုင်းတံတားကိုဖြတ်စဉ် နှင်းတွေသိပ်သည်း ထူထဲလွန်းလှ၍ ညက ရင်ခုန်တိမ်းမူးဖွယ် မြင်ခဲ့ရသည့် မြင်ကွင်းများကို မမြင်နိုင် တော့။ ပိန်းပိတ်ကာဆီးနေသည့် နှင်းထုက တလောကလုံးကို မင်းမူစိုးမိုးနေပြီ။ ကားက တံတားပေါ်ကိုတရိပ်ရိပ်ဖြတ် မောင်းနေစဉ် တိုးဝှေ့ဝင်လာသည့် အအေးဓာတ်က သူ့ကို မေးတဖျောက်ဖျောက်ရိုက်စေသည်။ အေးချမ်းလိုက်သည်ဖြစ်ချင်း။ အမိုး တပ်ပစ်ကပ် ကားတစီး၏ နောက်ခန်းမှာ သူတယောက်ထဲ ခိုက်ခိုက်တုန်နေသည်။ အဝေးမြင်ကွင်းကို လှမ်းမမြင်ရဘဲ ဘော်ငွေရောင် တံတားကြီး ၏ တံတားဘောင်များကိုသာ ရိပ်ခနဲရိပ်ခနဲမြင်နေရသည်။ တံတားအောက်မှာတော့ သမာဓိတည်ထားသောဧရာဝတီသည် လရောင်ဖျဖျ တွင် သိမ်မွေ့ညင်သာစွာ စီးမြဲစီးနေလေသည်။
ထိုစဉ် သူ့စိတ်ထဲဝင်လာသည်က ဖက်ဆစ်တော်လှန်ရေးကာလ မြေအောက် တော်လှန်ရေးသမားကြီးတဦး၏ ရုပ်ပုံလွှာတပိုင်းတစ။ စစ်ကိုင်းတံတားပေါ်တွင် တိုင်းပြည်နှင့်လူမျိုးအတွက် အသက်စွန့်လွှတ်ပေးလှူသွားခဲ့သည့် သူရဲကောင်းတဦး။ ဖက်ဆစ်ဂျပန်များကို တတိုင်းပြည်လုံးအနေဖြင့် အချိန်ကိုက်ပြန်လည်တွန်းလှန်ရန် ပြင်ဆင်နေသည့်အချိန်တွင် မြေအောက်တော်လှန်ရေးသမား ကြီးတဦး ဖြစ်သူ ရဲဘော်သိန်းတန်သည် ဂျပန်အလိုတော်ရိများ၏ သတင်းပေးမှုနှင့် ဖမ်းဆီးညှဉ်းဆဲခံခဲ့ရသည်။ ဂျပန်တွေက သူ့ဆီမှ တော်လှန် ရေးနှင့် စပ်လျဉ်းသည့် သတင်းအချက်အလက်များကို လိုချင်သည်။ ရိုက်နှက်နှိပ်စက် မေးမြန်းစစ်ဆေးသည်။
သံမဏိလိုစိတ်ဓာတ်ခိုင်ကျည်သော မြေအောက်တော်လှန်ရေးသမားကြီးသည် သစ္စာကိုရင်ဝယ်ပိုက်လျက် တေမိထုံးနှလုံးမူခဲ့သည်။ နောက်ဆုံးဖက်ဆစ်တို့က သူ့ကို ဟောဒီ့ စစ်ကိုင်းတံတားကြီးပေါ်တွင် လည်ကိုဓားနှင့်ခုတ်ကာ ချေမှုန်းပစ်ခဲ့သည်။ ဧရာဝတီသည် တော်လှန်ရေးသမားကြီး၏ ချင်းချင်း နီမြန်းသောသွေးနှင့် ရာဇဝင်ကမ္ပည်းရေးထိုး ခဲ့လေသည်။ သူက သမိုင်းစာမျက်နှာပေါ်က သူရဲ ကောင်းကြီး၏ သစ္စာကိုအောက်မေ့မြင်ယောင်နေမိခြင်းဖြစ်သည်။ သြော်.. သည်လိုအသက်နှင့်လဲ၍ စွန့်လွှတ် အနစ်နာခံကာ သစ္စာ စောင့်သိခဲ့ကြသူများ၏ ဂုဏ်ကျေးဇူးကြောင့်ပင် လွတ်လပ်ရေးကြီးကိုရခဲ့သည် မဟုတ်တုံလောဟု သူ အလေးအနက် တွေးမိခံစား ကြည့်သည်။
ခေတ်တခေတ်၌ ရဲဘော်သိန်းတန်လို မဟာသူရဲကောင်းများရှိသလို တဘဝပုဂ္ဂလ ချမ်းသာအောင်မြင်ရေး၊ ထင်ပေါ် ကျော်ကြားရေး အတွက် ဂျပန်အလိုတော်ရိတွေလို သစ္စာမဲ့သူ တကိုယ်ရေအတ္တသမား၊ အချောင်စား၊ ကိုယ်ကျိုးစီးပွားသမား များကလည်း ခေတ်အ ဆက်ဆက်တွင် ရှိခဲ့သည်။ ရှိနေသည်။ သို့တိုင် သူရဲကောင်းများကား လွတ်လပ်ရေးကိုသွေးနဲ့ရေး၍ မော်ကွန်းထိုးကာ သစ္စာဖောက် အချောင်သမား အချောင်စားများကား သမိုင်းအမှိုက်ဒိုက်သရောပုံတွေကြား ဒလိမ့်ခေါက်ကွေး မျောလွင့်ပါသွားမည်ဟုသာ သူယုံ ကြည်နေသည်။ အတွေးအလျဉ်က ဧရာဝတီမြစ်ရေစီးနှင့်အတူ စီးနှင်နေစဲမှာပင် ကားက တုန့်ခနဲရပ်သွားသည်။
အင်းဝဘက်တံတားထိပ်လမ်းမီးများအောက်တွင် လူတွေစုစု စုစုနှင့် မြင်ရသည်။ တံတားဂိတ်တွင် မဏ္ဍပ်သဖွယ်ထိုးထားသည့် နေရာ မှလည်း အသံချဲ့စက်ဖြင့်အော် သူက အော်နေသည်။ လွတ်လပ်ရေးနေ့ တာဝေးအပြေး ပြိုင်ပွဲကျင်းပနေ၍ မော်တော်ယာဉ်များ အနေ ဖြင့် လမ်းပေါ်တွင် ပြိုင်ပွဲဝင်နေကြ သူအားကစားသမားများအား ဦးစားပေးကာ ဖြည်းညင်းစွာမောင်းနှင်ရန် သတိပေးမေတ္တာရပ် ခံနေ ခြင်း ဖြစ်သည်။ ငြိမ့်ခနဲ ကားပြန်ထွက်တော့ သူရဲကောင်းကြီး ရဲဘော်သိန်းတန်၏ ပုံရိပ်လွှာကို စိတ်တွင်ပြန်လည်မြင်ယောင်နေမိ ပြန် လေသည်။
၃။
လမ်းတလျှောက်ထူပြိန်းသိပ်သည်းစွာကျနေသည့် နှင်းထုအမှောင်အောက်တွင် ကားမီးအလင်းတန်းရှေ့တွင် ပြိုင်ပွဲဝင်နေကြသည့် အားကစားသမားများကို တချို့အတွဲလိုက်၊ တချို့ တဦးချင်း ပြောက်ကျားပြောက်ကျား တွေ့ရသည်။ တနေရာအရောက်မှာတော့ တ ဖြည်းဖြည်းချင်းလှိမ့်လာနေသော ကားက သိမ့်ခနဲဖြစ်သွားသည်ကို သူသတိထားမိ၏။ လူတယောက် ကားပေါ် ခိုတက်လိုက်သလိုမျိုး။
“ဟလိုး နောင်ကြီး ကားခဏလိုက်စီးပရစေနော်”
အအေးဓာတ်ခံကြောင့် အသံက တုန်ရင်ရင် အက်ကွဲကွဲ။ အမှတ်တမဲ့ သူ ထိတ်ခနဲလိုလိုတော့ ဖြစ်မိသွားသည်။ နောက်ခန်းမီးမပါတော့ သဲသဲကွဲကွဲ မမြင်ရ။ ထိုလူကဆက်ပြောသည်။ “ကျနော်အမောဖောက်လာလို့ဗျာ၊ ကားနဲ့ခဏ လိုက်ပရစေ”
ဟု ဆက်ပြောလာသည်။
သူ ဘာမှပြန် မပြောမိ။ အမှောင်ထဲတွင် ထိုလူ့ကို မြင်ရနိုင်သလောက်မြင်နိုင်အောင် မျက်လုံးကိုအစွမ်းကုန် အားစိုက်အားစိုက်ထား သည်။ တအောင့်လောက်အတွင်းမှာပင် ထိုလူ့ကို လုံးလုံးလျားလျား မြင်ရသည် မဟုတ်သော်လည်း ဘောင်းဘီတိုတထည် ဝတ်ထား တာကိုတော့ သူ သတိထားမိသွားသည်။ မမှား။
“ကျနော်တော့ မခံနိုင်တော့ဘူးဗျာ။ အဲဒါ မောတာနဲ့ နောင်ကြီးတို့ကားပေါ်တက်လိုက်တာ”
သူက ခုထိဘာမှပြန်မပြောမိ။ ထိုလူ့ဆီမှ မောဟိုက်သံစွက်နေသည့်စကားလုံးတွေကိုသာ အလိုက်သင့် နားထောင်နေမိသည်။
“ကျနော့်နံမယ် ခင်မောင်ဖွေးပါဗျာ။ တောင်မြို့ရပ်ကွက်(..) ကပါ။ ဟဲဟဲ တမျိုးမထင်ပါနဲ့ဗျာ။ အနှောင့် အယှက်ဖြစ်သွားရင် ခွင့်လွှတ် ပါ”
ထိုလူက မောဟိုက်သံကြီးတွေနှင့် ဆက်ပြောလာတော့ မကောင်းတတ်သဖြင့် သူကလည်း
“ သြော် ”
ဆိုသည့် အာမေဍိတ်တလုံးခွန်း တုံ့ပြန်လိုက်သည်။
ပြီးတော့ ထို့လူ့ပုံပန်းဟန်ပန်ကိုကြည့်ပြီး သူကောက်ချက် မြန်မြန်ချ လိုက်နိုင်သည်။ တာဝေးပြေးပွဲဝင်ရင်း အမောဖောက်လာသည်နှင့် ဖြည်းဖြည်းချင်းလှိမ့်မောင်းလာနေသည့် သူတို့ ကားပေါ်သို့ တက်လိုက်ခြင်းဖြစ်မည်။ အားမတန်လို့မာန်ချ လိုက်တာမျိုးဆိုတော့ သူ့ ဘက်က အထိုက်အလျောက် အားပေးသင့်ပေးရမည်ဟု နားလည်လိုက်သည်။
“ဖြစ်တတ်တယ် ကိုခင်မောင်ဖွေးရ၊ အသက်မှန်မှန်ပြန်ရှူ၊ ဒါနဲ့ ကြိုပြီးကျင့်မထားဘူးလားဗျ”
သူက ခင်မောင်ဖွေးဆိုသူ အားတောင့်အားနာ မဖြစ်စေချင်တာနှင့် ပြန်အားပေးရသည်။ ခင်မောင်ဖွေးဆို သူကတော့ ဟပ်ထိုးလဲကျ မတတ် တဟောဟော ဖြစ်နေသည်။ ဒါပေမဲ့ တခုခုပြောဖို့ ကြိုးစားနေပုံရသည်။ သို့သော် တော်တော်နှင့် စကားသံထွက်မလာ။ ခဏ နေတော့ အမောပြန်စေ့သွားဟန်ရှိသည်။ သည်တော့မှ ကိုခင်မောင်ဖွေး တယောက် စကားပြန်စနိုင်လာသည်။ စလိုက်ပြန်တော့လည်း စုံနဖာစီအောင် ဒလစပ်မနားတော့။ ခဏချင်းမှာ သမ္ဗန္ဓပေါင်း စုံသွားသည်။ သူက ဆီစက်သူဋ္ဌေးသား။ သားကြီးသြရသ။ မန္တလေး တက္ကသိုလ်ဒုတိယနှစ်။ မေဂျာက…။ မိဘများ၏ဖူး ဖူးမှုတ်ထားခြင်းခံရသူ။ တဆွေလုံးတမျိုးလုံးက ခင်မောင်ဖွေးဟုဆိုလျှင် ပင့်ထား မတတ် မြှောက်စားခံရသူ။ ထားတော့။ ခက်တာက သူက အားကစားသမားမဟုတ်။ အားကစားသမားမဟုတ်သလို အားကစားနှင့် ပတ်သက်သည့် တစုံတရာ အလေ့အကျင့်ကိုလည်း မလုပ်စဖူး။ ဒါပေမဲ့ သူက သူဋ္ဌေးသားပီပီ သူတို့ဝန်းကျင် သူတို့ မြို့မှာတော့ လူသိ များသည်။ ထင်ရှားသည်။
ခင်မောင်ဖွေး မပါလျှင် ဘာပွဲမှမစည်ဘူးဆိုသည့် အစားထဲက။ အပြောကလည်းကျ၊ အပေးအကမ်းလေးကလည်း ထိုက်တင့်သလိုရှိ တော့ သူနေရာကရသည်။ သူ့ကိုယ်သူလည်း ပွဲတိုင်းကျော်အဖြစ် ခံယူသည်။ သူမဝင်ဆန့်သည့်နေရာ၊ သူမပေါက်ရောက် သည့်နေ ရာဟူ၍ မရှိသလောက်ဟု သူယုံသည်။ သူနှင့်အပြိုင် ရွယ်တူတန်းတူတွေအပေါ်မှာတော့ သူက ဗိုလ်မထားချင်သူဖြစ်သည်။ သူ့ရှေ့ မှာဘာကိုမှ မထားချင်သူ။ ဘယ်သူ့ကိုမှ သူ့ရှေ့ မရောက် စေချင်သူ။ အင်း အခုလည်း သူတို့မြို့မှာ တာဝေးပြေးပွဲကျင်းပသည် ဆို တော့ ခင်မောင်ဖွေး တယောက် ဇ,မရှိဘဲနှင့် ဝင်ပြိုင်မိလျက်သား ဖြစ်ခဲ့သည်။ ဒါပေမဲ့ အားကစားပြိုင်ပွဲဆိုတာ ဖြီးလို့ဖြန်းလို့ ညာလို့ဝါး လို့ ရတာမျိုးမဟုတ်တော့ ဘသားချောခမြာ အခု ကံကောင်းလို့ မောလုံး မဆို့ခဲ့ခြင်းပင်။ စက်သူဋ္ဌေးသား ခင်မောင်ဖွေးက အပြေး မှာသာ အမောဖောက်ခဲ့ပေမယ့် အပြောမှာတော့ အမောမဖောက်သေး။ သူက စက်သူဋ္ဌေးသား၏စကားကို နားထောင်သူ သက်သက် သာဖြစ်နေတော့ ဒါကို ခင်မောင်ဖွေးက သတိထားမိလိုက်မိပုံရသည်။ လူရိပ်လူခြေတော့ အကင်းပါး သားကလား။
“ဒါနဲ့ နောင်ကြီးကရော ဘယ်ကလဲ၊ ဘယ်သွားမလဲ၊ အကူအညီလိုရင် ကျနော့်ဆီ ဝင်လာဗျာ။ မန္တလေးမှာတည်းမယ်ဆိုရင် ဝင်ဖြစ် အောင်ဝင်ဗျာ။ ကျနော်က ခင်မင်တတ်ပါတယ်။ မရောက်ဖူးတဲ့နေရာတွေ ရှိရင်လည်းလိုက်ပို့ပါ့မယ်”
တလက်စတည်း ကိုခင်မောင်ဖွေးက သူ့ကိုလိပ် စာတွေ ဘာတွေပေးသည်။ သူ့အိမ်၊ သူတို့၏နာမည်ကြီး ဆီစက်ကို ညွှန်းသည်။ ဆီ စက်က သူတို့ တောင်မြို့တွင် နာမည်ကြီး။ သူကလည်း တောင်မြို့တွင် မသိသူမရှိ သလောက်ဟု ဆိုခဲ့ပြီးပြီ။
“နေအုံး နေအုံး၊ ဟောဟိုမှာ ခိုင်မိုးတို့၊ စောရီးနော် နောင်ကြီး၊ ဒီကောင်တွေ ဒီပဲရောက်သေးတယ်၊
ဟင်း ဟင်း ဘာရမလဲကွာ။ ခင်မောင်ဖွေးကိုကျောလို့ ဘယ်တော့ မရဘူး”
သူက လမ်းဘေးတဖက် တချက်ကပ်လျက် ပြေးနေသူ တစုကိုကြည့်ပြီး သူ့ကိုယ်ကိုကျုံ့နိုင်သမျှကျုံ့လိုက်ရင်း ပြောခြင်းဖြစ်သည်။
“ဘာလဲဗျာ ကိုခင်မောင်ဖွေးရယ်”
ကားအမိုးအောက် အမှောင်ကိုအားပြုရင်း တယောက်ထဲ ကြုံးဝါးနေတာကိုတွေ့တော့ သူက မေးခွန်း ထုတ်မိလျက်သား ဖြစ်သွား သည်။ တခုခုမရိုးမသား ဖြစ်နေသလားဆိုတာလဲ မယုံသံသယဖြစ်မိသည်။ တစုံတရာလွဲချော်နေပြီလား။
“ဒီလိုဗျ နောင်ကြီး ရဲ့၊ ကျနော်နဲ့အဲဒီကောင်တွေက ပြိုင်ဘက်တွေ၊ အလကားပါဗျာ။ သူတို့က ကချလာတွေပါ။ မွဲသလားလဲမမေးနဲ့။ အဲဒီကောင်တွေက ကျနော့်ကို နေရာတကာ လိုက်ပြိုင်နေတာဗျ။ ကျောင်းမှာလဲ ကျောင်းမှာမို့၊ ရပ်ကွက်ထဲလဲ ရပ်ကွက်ထဲမို့။ ဘယ် တုန်းကမှမနိုင်ဘဲနဲ့များ၊ အဲအခု ဒီပြေးပွဲကျတော့ မှန်တာပြောရရင် နောင်ကြီးရေ ကျနော်က လေ့ကျင့်မထားတော့ ရှုံးရမယ့် အပေါက် လေ။ ဒါတော့ အဖြစ်မခံနိုင်ဘူး။ ပန်းဝင်ခါနီးလောက်ကျရင် ကျနော်ဆင်းမယ်။ အဲဒါ သူတို့ နိုင်အုံးမှာ တဲ့လား။ … ဟား … ဟား ..” ကိုခင်မောင်ဖွေးက သူ့ဘာသာပြော၊ သူ့ဘာသာ အော်ဟစ်ရယ်မောနေတာကို သူကြောင်စီစီယောင် နနဖြစ်ကာ ကြည့်ငေးနေမိသည်။ အကြံကြီးပေစွပါတကားဟု သူအံ့အားသင့်နေတာလည်း ပါလေသည်။
တောင်မြို့ဘက်ကိုချဉ်းသီလာတော့ အမှောင်ရိပ်က ဖျော့တော့ဝေရီစပြုလာကာ အလင်းနုသို့သမ်းစပြုပြီ။ ကားပေါ်ပါလာသည့် စက် သူဋ္ဌေးသားကလည်း ဒါကို သတိထားမိပုံရသည်။
“ဆင်းတော့မှဖြစ် မယ်နောင်ကြီးရေ၊ ဒါနဲ့ခင်ဗျား နံမယ်က ဘယ်သူ။ ..ထားပါဗျာ။ ကျနော့်ဆီသာ ရောက်တဲ့အခိုက်ဝင်ခဲ့ပါ။ ကျနော် ခင်ဗျားကို လက်ဆောင်ဘာတွေ ပေးလိုက်ချင်တယ်။ အဲဒီနေ့ ညနေဘက်များ ခင်ဗျားရောက်လာခဲ့လို့ကတော့ ပွဲတော်ပေါ့ဗျာ။ ကျနော် အောင်ပွဲခံမယ့်ပွဲမှာ ကူညီဖြည့်ဆည်း ပေးတဲ့ လူအနေနဲ့ ခင်ဗျားကို အထူးပြုစုမယ်ဗျို့ဟုတ်လား။ ကဲသွားပြီ”
စက်သူဋ္ဌေးသားက သူ့စကား သူပြော၊ သူ့ဘာသာ အဆုံးသတ်ကာ လင်းလုလုအရုဏ်ကိုအခွင့်ကောင်းယူ၍ ကားပေါ်က ဖျတ်ခနဲ ဆင်းသွားသည်။
ခင်မောင်ဖွေးဆင်းသွားတော့ သူက စစ်ကိုင်း တံတား၏သည်မှာဘက်ထိပ်မှ ခင်မောင်ဖွေးတို့မြို့သို့ ခရီးတာကိုမှန်းဆ ကြည့်ဖြစ်သည်။ ခုနစ်မိုင်သား ရှစ်မိုင်သား လောက်များရှိမလား။ ဘာပဲပြောပြော သည်လောက်ခရီး အကွာအဝေးသည်ပင်လျှင် တော်တန်ရုံ အားက စား အလေ့ အထုံမရှိပါက မလွယ်။ သာမန်လူတဦးတယောက်အဖို့ သာ၍မလွယ်။ ယှဉ်ပြိုင်သူများဘက်က ကြိုတင်ပြင်ဆင်လေ့ကျင့် ထားခြင်း မရှိပါက ပန်းဝင်နိုင်သည်ထားဦး၊ ဆုတံဆိပ်နှင့်အောင်ပွဲကတော့ လွယ်လွယ်နှင့်ရနိုင်မည် မဟုတ်ဟုသူထင်သည်။ သို့ဆို လျှင်သူ့မိတ်ဆွေကြီး ကိုခင်မောင်ဖွေး အတွက်ဆိုလျှင်ကော….။
၎။
ထိုနေ့က လွတ်လပ်ရေးနေ့ဖြစ်သည်။ တိုက်ဆိုင်စွာပင် သူသည် စစ်ကိုင်းမြို့တံတားကြီးကို ဘဝတွင် ပထမဆုံးအကြိမ်အဖြစ် ဖြတ် သန်းခဲ့ရပါသည်။ မှတ်မှတ်ရရပင် ထိုနေ့၏အရုဏ်မတိုင်မီ သတိရခြင်းတွင် ဖတ်ခဲ့ဖူးသော သမိုင်းစာမျက်နှာထဲက ဂုဏ်ရောင်ပြောင်စွာ ကျဆုံးသွားခဲ့သည့် အာဇာနည် ရဲဘော်ကြီးသိန်းတန်၏ စွန့်လွှတ်အနစ်နာခံမှုကို စိတ်နှင့်အလေးအမြတ် ပြုဖြစ်ပါသည်။ တိုက်ဆိုင် စွာပင် ထိုနေ့က မန္တလေးမြို့ အမရပူရက စက်သူဋ္ဌေးသားလေး ကိုခင်မောင်ဖွေးဆိုသူ ကြေးရတတ် လူငယ်တဦးနှင့်လည်း ဆုံစည်းခဲ့ရ ပါသည်။ တိုက်ဆိုင်စွာပင် ထိုနေ့က သူတို့စီးနှင်လာသည့်ကားသည် တောင်မြို့ရှိ ပြည်သူ့အားကစားကွင်းဘက်သို့ ဖြတ်သန်းခဲ့ရပါ သည်။ ထို့ထက် တိုက်ဆိုင်သည်မှာ ကိုခင်မောင်ဖွေးတို့ပန်းဝင်ကြရမည့် သခင်ဖိုးလှကြီးအားကစား ကွင်းဖြစ်နေပါသည်။
ဖြစ်ချင်တော့ အားပေးနေကြသည့် ပရိသတ်များစည်ကားလွန်းနေသည်မို့ ကားလမ်းကိုခေတ္တ ပိတ်ထားခဲ့ပါသည်။ သူတို့လည်းကား ပေါ်မှဆင်းကာ အနီးအနားက လက်ဖက်ရည်ဆိုင်တဆိုင်တွင် မန္တလေးထပ်တရာမုန့်နှင့် မနက်ခင်းဝမ်းမီးတောက်ကို ပြေငြိမ်းစေကြပါ သည်။ စင်စစ် သည်တွင် ကိုခင်မောင်ဖွေး နှင့် သူ၏အမှတ်မထင် ဆုံစည်းမှုလေးသည် ပြည်ဖုံးကား ချနိုင်ပါပြီ။ ကံအလှည့်သင့်၍ သူ့ အနေဖြင့် မန္တလေးရွှေမြို့တော်ကြီးသို့ နောက်တကြိမ် တခေါက်တကျင်း ရောက်လာနိုင်မည်ဆိုငြားအံ့။ စက်သူဋ္ဌေးသားလေး ကိုခင် မောင်ဖွေး၏ ဖော်ရွှေပျူငှာစွာဖိတ်ခေါ်မှုက အရန်သင့်ရှိပြီးသားမို့ စိတ်ကူးယဉ်စရာ ကောင်းလှပါသည်။ ကိုခင်မောင်ဖွေးအဆိုအရ အောင်ပွဲတခုရရှိရန်အတွက် သူက ဖြည့်ဆည်း ပေးခဲ့ဖူးသူမဟုတ်လား။ ထိုအရာကို ကိုခင်မောင်ဖွေးတယောက်မမေ့တန်ရာ။ ထိုစဉ် သခင်ဖိုးလှကြီးအားကစားကွင်းထဲမှ အသံချဲ့စက်က စစ်ကိုင်းတံတားထိပ်မှ တာဝေးပြေး ပွဲပြိုင်ပွဲဝင်ခဲ့သူများ ပန်းဝင်ရန် နီးလာပြီဖြစ် ကြောင်း ကြေညာနေပါပြီ။ ပန်းဝင်ခါနီးအချိ်န်အထိ ရှေ့ဆုံးမှဦးဆောင်လာသူမှာ မည်သူမည်ဝါဖြစ်ကြောင်းလည်း သူအမှတ်တမဲ့ ကြား လိုက်မိပါသည်။
“အားပါး … မောင်ခင်မောင်ဖွေး ဆိုပါလား”
သူ မင်တက်သလိုဖြစ်သွားသည်။ တကယ်ပဲ ခင်မောင်ဖွေး တယောက် ပထမနေရာမှာ ပန်းဝင်နိုင်တော့မှာလား။ သူတို့နှစ်ဦးအပြင် ဘယ်သူတဦးတယောက်မှ မသိခဲ့သော အဖြစ်သနစ်တခုသည် အမှန်တရားတခုအဖြစ် အများကလက်ခံလိုက်ကြတော့မှာလား။ သူ များများတွေး မနေတော့။ လွယ်အိပ်ထဲမှာ အသင့်ပါလာသည့် စာအုပ်တအုပ်ကိုထုတ်ကာ သူပေးစာနှစ်စောင် ရေးလိုက်ပါသည်။ တ စောင်က အားကစားပြိုင်ပွဲကျင်းပသည့် ကော်မတီထံ။ နောက်တစောင်က အားကစားကော်မတီမှတဆင့် စက်သူဋ္ဌေးသားလေးကို ခင်မောင်ဖွေးထံ။
ကိုခင်မောင်ဖွေးရေ …
ဒီနေ့ လွတ်လပ်ရေးနေ့ဗျာ။ ခင်ဗျားကို လွတ်လပ်ရေးလက်ဆောင်အဖြစ် ကျနော် ဒီစာလေးကို ပေးခဲ့ပါတယ်။ ထိုက်တန်စွာ ကြိုးပမ်းခဲ့ သူတွေအတွက် ခင်ဗျားတို့ ကျနော်တို့ သစ္စာရှိကြရအောင်။ အောင်ပွဲရလိုသူရဲ့ စိတ်ဓာတ်မှာ ထိုက်တန်တဲ့ရင်းနှီးပေးဆပ်မှု ရှိကြရမြဲပါ။ ခင်ဗျားတို့ ကျနော်တို့ ဘဝမှာ စစ်မှန်တဲ့အောင်ပွဲများနဲ့ တချိန်ချိန်မှာ ပြန်လည်ဆုံစည်းကြပါရစေ။ လွတ်လပ်ရေး နံနက်ခင်းတခုက
ခင်ဗျားရဲ့တင်္ဒဂမိတ်ဆွေ
ခင်လွန်း
စာဖတ်သူများသို့ …
လွတ်လပ်ရေးနေ့အခါသမယကိုရောက်တိုင်း ကျနော်သတိရတတ်တဲ့အထဲမှာ ကိုခင်မောင်ဖွေးဆိုတဲ့ သူတယောက်အကြောင်းလဲ ပါပါ တယ်။ ကျနော်တို့မိတ်ဆွေများရဲ့ ဝန်းကျင်မှာလဲ သေချာပေါက် ကိုခင်မောင်ဖွေးတွေ တွေ့မိမြင်မိရုံမက မချစ်သော်အောင့်ကာ နမ်း နေရတဲ့အဖြစ်နဲ့ ပတ်သက်ဆက်နွယ်နေရရင် ဒီလွတ်လပ်ရေး လက်ဆောင်လေး ပေးလိုက်ပါဗျာ။ တခါသားက ခေတ်ပြိုင်အင်တာ နက်စာမျက်နှာမှာ ဖော်ပြဖူးပါတယ်။ ဒါကို ပြန်တင်ပြခြင်းဖြစ်ပါတယ်လို့ ဝန်ခံပါတယ်။ နှစ်သစ်ကူးအခါသမယမှာ အားလုံးပျော်ရွှင်ချမ်း မြေ့ ဆန္ဒမှန်သမျှ ပြည့်ဝကြပါစေ…
No comments:
Post a Comment