တချို့က စပျစ်သီးဖြစ်တယ်
တချို့က စန်းစန်းတင့် ဖြစ်တယ်။
ခေတ်ကြီးကိုက
ကိုလိုမနီ၊ ခရိုနီခေတ်။
တချို့က လက်ဝေခံဒီမိုကရေစီ
တချို့က လက်ကျန်ဒီမိုကရေစီ။
ရန်ကုန်က ရထားမဖြစ်ဘူး
ရန်ကုန်က တယောဖြစ်နေတယ်။
တချို့က နောက်ပြန်လှည့်မှာစိုး
တချို့က နောက်ပြန်မလှည့်မှာစိုး။
မြစ်ကြီးက ဘယ်ကိုစီးရမှန်းမသိ
ထောင် (ထောင်) နဲ့ ငြိလို့။
တချို့က စွယ်စုံကျော်ထင်
တချို့က သေတ္တာမှောက်။
ဒီတခါ ဇာတ်ခေါင်းကွဲရင်
ရွာပြင်ထုတ်ခံရတော့မယ်။
တချို့က ရွှေဝါရောင်ကိုမျက်ကွယ်ပြု
တချို့က လက်ပံတောင်းတောင်ကိုလျစ်လျူရှု။
ဗမာပြည်မှာ နာရီတွေကရှား
ဗမာပြည်မှာ နာဇီတွေကများ။
တချို့က စစ်ဘေးဒုက္ခသည်
တချို့က ရဲဘေးဒုက္ခသည်။
တောမီးကို တောမီးနဲ့မှ ငြှိမ်းလို့ရမယ်
ရေသန့်ဘူးနဲ့မရဘူး။
တချို့က ရွာလွန်ရွက်တိုက်
တချို့က ရွာပြင်ကြက်တိုက်။
ကြည့်စမ်း- အချောင်သမားတွေ
ဓားကို အရင်းကမကိုင်၊ အဖျားကကိုင်လို့။
တချို့က တရားအားထုတ်
တချို့က မျက်ကန်းမျိုးချစ်။
“ငါတို့လည်း အိုဘားမားကြီးပြန်သွားမှ၊ ပိုအဖမ်းခံနေရပေါ့” တဲ့
လမ်းဘေးကစကား၊ လမ်းပေါ်ကကြား။
တချို့က အမျိုးသားပြန်လည်သင့်မြတ်ရေး
တချို့က အမျိုးသားပြန်လည်တိုက်ခိုက်ရေး။
“ကျားကိုသတ်ရင်သတ်၊ မသတ်ရင် ကျားက ကိုယ့်ကိုသတ်မှာပဲ”
ရိုးမက မုဆိုးကြီးကိုဖိုးဇုံ၊ ခင်ဗျားအခုရှိသေးလား။
တချို့က အတိတ်မှာပဲ အသက်ရှင်နေ
တချို့က အနာဂတ်အတွက် ကြိုတင်သေဆုံးနေ။
ဟစ်တလာက သက်သတ်လွတ်စားတယ်
ဂျူးလူမျိုး (၆) သန်းက ဟင်းရွက်ကန်စွန်းတွေလား။
တချို့က ငြိမ်းချမ်းရေးအတွက် လမ်းလျှောက်တယ်
တချို့ကငြိမ်းချမ်းရေးအတွက် ဖိလစ်ပိုင်သွားတယ်။
နိုင်ငံရေးလုပ်တယ်ဆိုတာ၊ အစိုးရ မကောင်းကြောင်းပြောတာပဲ
ကြောင်ကိုဘယ်သူ ချူဆွဲပေးမလဲ။
တချို့က နိုင်ငံရေးအကျဉ်းသားလွတ်မြောက်ရေးအော်တယ်
တချို့က အော်တဲ့လက်ကိုပြန်ကိုက်တယ်။
(ကချင်) စစ်ရပ်ဖို့ လူထုမှာတာဝန်မရှိ
အစိုးရမှာပဲ ရှိတယ်။ (ဒေါ်အောင်ဆန်းစုကြည်မှာလည်းရှိတယ်)
တချို့က ငြင်းပယ်ခြင်းကိုငြင်းပယ်
တချို့က သဘောမတူကြောင်းသဘောတူ။
ခေတ်က ပြောင်းပြေးသွားပြီ
ကျန်ရစ်သူ လေထဲမှာ အိုက်တင်တန်းလန်းကြီး။
တချို့က လေလံသမား
တချို့က ဖျံဖမ်းသမား။
ကဗျာဆရာသမဂ္ဂဖွဲ့ တာ၊ ဒေါက်တာဇီဗားဂိုး ဘာ့ကြောင့်မပါတာလဲ
ငမူးတကောင် ထအော်တယ်။
တချို့က လစ်ဘရယ်
တချို့က ညစ်ပုပ်ကပ်ကျယ်။
ဘယ်ညောင်ပင်မှာ
ဘယ်ရာဇ၀င်ကို လမ်းခွဲရမှာလဲ။
တချို့က ရထားမမီ၊ ဘူတာမီးနဲ့ရှို့
တချို့က ခွေးကတက်မှာ ကော်ကျို့ပိုစတာကပ်။
ဘယ်တော့ အာဏာရမှာလဲ
မမေးတော့ပါဘူး။
ဒီကဗျာ
လေဒီကြီး မဖတ်မိစေနဲ့။
သူက စပျစ်သီးဖြစ်တယ်
သူက စန်းစန်းတင့် ဖြစ်တယ်။
အောင်ဝေး
ဇန် ၂၃ - ၁၃
No comments:
Post a Comment