တလောက ကျမဆီကို သြစတြီးယားနိုင်ငံက သူငယ်ချင်းတယောက် အလည်ရောက်လာပါတယ်။ သူ့က ရောင်စုံဘော လုံးကလေးတွေ ထည့်ထားတဲ့ အိတ်ကလေးကို သားလေးအတွက် လက်ဆောင်ပေးပါတယ်။ သားလေးကလဲ ထုံးစံအတိုင်း
ချက်ချင်း ယူဆော့တော့တာ ပါပဲ။
ဒီလိုနဲ့ ကော်ဖီခါးခါးလေးကို စတော်ဘယ်ရီ cheesecake လေးနဲ့ တွဲဖက်စားပြီး စကားကောင်းနေကြရင်း၊ သူက အနား မှာ ကစားနေတဲ့ သားလေးဆီ ရုတ်ခြည်း ထသွားပါတယ်။ သားလေးဘေးမှာ ဒူးထောက်ထိုင်ချလိုက်ရင်း "ဘောလုံးလေး တွေကို ဘာလို့ခွဲခြားပြီး ကစားနေတာလဲ" လို့ သူက မေးပါတယ်။ သူပြောတော့မှ ကျမလဲ သတိထားမိပြီး၊ သားလေးက စားနေတဲ့ ဘောလုံးလေးတွေကို ကြည့်လိုက်တော့ အ၀ါရောင် ဘောလုံးလေးတွေက တစု၊ တခြား ဘောလုံးလေးတွေက တစုနဲ့ သီးခြားဆီ ပုံထားတာ တွေ့ရပါတယ်။
သားလေးကတော့ မပီကလာ၊ ပီကလာ အသံကလေးနဲ့ သူက "အ၀ါရောင်ဘောလုံးတွေကိုပဲ ကြိုက်လို့၊ တခြားဘောလုံး တွေကို ဖယ်ထုတ်ပစ်နေတာ" လို့ ဆိုပါတယ်။ ဒီတော့ သူက ကျမဘက်လှည့်ပြီး "သားလေးရဲ့ အကြိုက်ဆုံးအရောင်က ဘာအရောင်လဲ" လို့ မေးပါတယ်။ ကျမကလဲ "အနီနဲ့ အ၀ါ" လို့ ဖြေလိုက်တော့ အခန်းထဲမှာ ရှိနေတဲ့ အနီရောင်နဲ့ အ၀ါ ရောင်ကားရုပ်များစွာကို သူက မျက်လုံး ဝေ့ကြည့်လိုက်ပါတယ်။
ပြီးတော့မှ "သူကြိုက်တဲ့ အရာတွေကိုပဲ ပံ့ပိုးပေးနေရင် မကြိုက်တဲ့အရာတွေကို လက်ခံအသိအမှတ်ပြုနိုင်တဲ့ ကိုယ်ရည် ကိုယ်သွေး အားလျော့သွားမှာပေါ့" လို့ ကျမကို ပြောပါတယ်။
ကျမလဲ သူပြောလိုက်တဲ့ စကားကြောင့် ခေတ္တငြိမ်သက်ပြီး၊ အတွေးစလေးတွေနဲ့ မှင်သက်သွားမိ ပါတယ်။
ကျမ အသိပြန်ဝင်လာချိန်မှာ သူကတော့ သားလေးနဲ့ တူတူ ထိုင်ပြီး ဘောလုံးလေးတွေကို ပေါင်းစပ်ကစားဖို့ တိုက်တွန်း နေခဲ့ပါပြီ။
ပန်းရောင်၊ အပြာရောင်၊ အစိမ်းရောင်၊ အ၀ါရောင် ဘောလုံးလေးတွေကိုကိုင်ပြီး ဘာလဲလို့ မေးပါတယ်။ သားလေးကလဲ ပန်းရောင်ဘောလုံး၊ အပြာရောင်ဘောလုံး၊ အစိမ်းရောင်ဘောလုံး၊ အ၀ါရောင်ဘောလုံး ဆိုပြီး ပြန်ဖြေပါတယ်။ အားလုံးမှာ ဘောလုံးဆိုတာ တူတူပဲ မဟုတ်လားလို့ သူက ဆက်မေးပါတယ်။ ပြီးတော့မှ သားလေးရဲ့အကြိုက်ဆုံးဘောလုံးအရောင် ကို ရွေးခိုင်းပါတယ်။ ပြီးတော့ အ၀ါရောင် ဘောလုံးအစုထဲက ဘောလုံးလေးတလုံးကို ကောက်ယူပြီး တခြားအရောင် ဘောလုံးတလုံးစီကိုလဲ ရွေးထုတ်လိုက်ပါတယ်။ နောက်တော့ အ၀ါရောင်ဘောလုံး အစုလေးနဲ့ ရောင်စုံဘောလုံး အစု လေးကို ယှဉ်ပြပြီး ဘယ်အရာက ပိုလှလဲလို့ မေးတော့ သားလေးက ရောင်စုံဘောလုံး အစုလေးကို လက်ညှိုးထိုးပြပါ တယ်။
ပြီးတော့မှ အကြိုက်ဆုံးအရောင်ကို ရွေးချယ်ခွင့်ရှိတယ်ဆိုပေမယ့်၊ ဒီဘောလုံးအိတ်လေးထဲမှာက တခြားအရောင်ဘော လုံးလေးတွေလဲ ရှိတယ် ဆိုတာတွေ၊ ကိုယ့်ကြိုက်တဲ့ ဘောလုံးလေးတွေနဲ့အတူ တခြားဘောလုံးလေးတွေ အတူတွဲပြီး ထားရင်လဲ လှလှလေး ရှိတတ်တယ်ဆိုတာတွေ၊ ကိုယ်ကြိုက်တဲ့ ဘောလုံးလေးတွေကိုပဲ ခွဲထုတ်ပြီး သီးခြားမထားသင့် ဘူး ဆိုတာတွေကို အေးအေးဆေးဆေးနဲ့ ရှင်းပြနေပါတယ်။
နောက်တော့ အရောင်ဆိုတာက အပေါ်ယံအလှဆင်ထားတာဖြစ်ပြီး၊ ဘောလုံးဆိုတာက အတူတူပဲ ဆိုတာကို ရှင်းပြပြီး၊ ကျမရဲ့ ကွန်ပြူတာလေးကို သုံးခွင့်တောင်းပါတယ်။ အင်တာနက်ပေါ်မှာ လူပုံလေးတွေကို ဦးထုပ်ဆောင်းလိုက်၊ အ၀တ်အစားမျိုးစုံ ၀တ်ပေးလိုက်၊ အရောင်မျိုးစုံ ချယ်ပေးလိုက် လုပ်လို့ရတဲ့ ပရိုဂရမ်လေးကို ဖွင့်ပြီး၊ သားလေးနဲ့ တူတူ ကစားရင်း၊ အရောင်တွေဆိုတာ အပေါ်ယံဆိုတာကို သားလေးကို ပြောပြနေခဲ့ပါတယ်။
ကျမကတော့ သူနဲ့ သားလေးကို ကြည့်ပြီး၊ ဘာတခုမှ ၀င်မပြောနိုင်ခဲ့ပါ။ သားလေးက အနီရောင်နဲ့ အ၀ါရောင်လေးတွေ ကြိုက်တာကို သတိပြုမိပြီး၊ ဘာအရုပ်ပဲဝယ်ဝယ်၊ အ၀ါရောင်နဲ့ အနီရောင်အရုပ်လေးတွေကိုပဲ လိုက်ဝယ်ပေးနေမိခဲ့တာ ဟာ ကွဲပြားမှုတွေကိုပဲ မီးမောင်းထိုးပြနေခဲ့ မိတာပါလားလို့ တွေးလိုက်မိပါတယ်။ ကျမရဲ့ မျိုးဆက်သစ်လေးကို ကြိုက် တာတွေ ရွေးချယ်ခွင့် ရှိပေမယ့်၊ တခြားအရာတွေကိုလဲ အသိအမှတ်ပြု လက်ခံလာအောင်၊ အခြေခံ တူညီမှုတွေကို သတိပြုမိလာအောင်၊ ကြိုက်တာတွေကိုပဲ သီးခြားခွဲထုတ်ထားတာမဟုတ်ဘဲ တခြားအရာတွေနဲ့ ပေါင်းစည်းထားမှုကနေ ထွက်ပေါ်လာတဲ့ အလှတရားကို မြင်တတ်လာအောင် သင်ပေးဖို့ ကျမ လုံးဝ သတိမမူမိခဲ့တာကိုလဲ နောင်တရသွားမိပါ တယ်။
အဲဒီနေ့က သားလေးအတွက် ဘ၀သင်ခန်းစာကောင်းကောင်းလေး သင်ပြပေးခဲ့တာကို ကျေးဇူးတင်စကား သေချာပြော မိပါတယ်။ သူက ကွဲပြားမှုကို လက်ခံပြီး၊ ပေါင်းစည်းခြင်းအလှကို မြင်နိုင်တဲ့ အရည်အချင်းရှိလာဖို့ လူကြီးတွေက စပြီး ကြိုးစားပါမှ မျိုးဆက်သစ် ကလေးတွေကို လက်ဆင့်ကမ်းပေးနိုင်မှာဖြစ်ကြောင်း ဆက်ပြီး ရှင်းပြနေတာကြောင့် ဘောဂဗေဒ ပါရဂူဘွဲ့ မတက်ဘဲ လူမှုဗေဒ ပါရဂူဘွဲ့ တက်သင့်တယ်လို့ ကျမက စနောက်ပြီး ပြန်ပြောရပါတော့တယ်။
ဘယ်လိုပဲဖြစ်ဖြစ် သူ့ရဲ့ ရောင်စုံဘောလုံးကလေးများ သင်ခန်းစာကြောင့် အခုဆိုရင် သားလေးကတော့ အရုပ်အရောင် ပေါင်းများစွာနဲ့ ပေါင်းစပ်ပြီး ကစားတတ်သွားခဲ့ပါပြီ။ ကျမကတော့ ပေါင်းစည်းခြင်းရဲ့ အလှတရားကို မြင်တတ်သွားတဲ့ သားလေးအတွက် ကြည်နူးမိရင်း၊ ကွဲပြားခြားနားမှုတွေကိုပဲ မီးမောင်းထိုးမပြမိအောင်လဲ သတိနဲ့ ရှောင်ရှားရင်း။
ခင်မမမျိုး
(၃၀၊ ၁၁၊ ၂၀၁၁)
No comments:
Post a Comment