မြေယာ ရှည်ကြာသည့် တိုက်ပွဲများ

လက်ပံတောင်းက လယ်သမားတွေ တချို့ကတော့ သူတို့လယ်ယာမြေ ဆုံးမယ့်အတူတူ လျှော်ကြေးပေးတာကို လက် ခံရယူ ကြတယ်လို့ သိရတယ်။ တချို့ လယ်သမားတွေကတော့ လျှော်ကြေး မယူဘူးလို့လည်း ကြားရတယ်။ ဝမ်ပေါင်နဲ့ ဦးပိုင် ကတော့ အပြီးသိမ်းတာမဟုတ် နှစ် ၆ဝ သူတို့မြေပေါ်မှာ ကြေးနီထုတ်ခွင့်အတွက် ငှားတဲ့သဘောလို့ ပြောတာ လည်း ကြားရတယ်။ လျှော်ကြေးယူတာ မယူတာက သူတို့ရဲ့ ကိုယ်ပိုင်ဆုံးဖြတ်ချက်မို့လို့
အထူးမပြောလိုတော့ပါ။ ဒါပေမယ့် လျှော်ကြေးပေးတဲ့ ငွေပမာဏနဲ့ လယ်သမားတွေရဲ့ အနာဂတ်ကိုတော့ ချိန်ထိုးပြီးပြောလိုတယ်။

နှစ်ပေါင်း ၆ဝ ဆိုတာ လူ့သက်တန်းနဲ့တွက်ရင် မနည်းလှဘူး။ မျိုးဆက်နှစ်ဆက်လို့တောင် ပြောနိုင်တယ်။ ပေးတဲ့ လျှော် ကြေးငွေက ကြားရတဲ့အတိုင်းဆို တဧကကို ကျပ်ဆယ်သိန်းဆိုလား ဆယ့်ငါးသိန်းဆိုလား တချို့သတင်းတွေက ဆို တယ်။ တဧကကို ဆယ့်ငါးသိန်းပဲ ထားပြီး တွက်လိုက်ရအောင်။ ဥပမာအားဖြင့် လယ်သမားတဦးဟာ အဲသည့် ကြေး နီတောင် ဧရိယာမှာ လယ်မြေဧက လေးဧကပိုင်တဲ့ အသေးစား လယ်သမားတဦး ဆိုပါစို့။ အဲသည့် လယ်သမားဟာ လျှော်ကြေးယူမယ်ဆိုရင် ကျပ်ငွေ သိန်းပေါင်း ၆ဝ ရမယ်လို့ တွက်နိုင်ပါတယ်။ တခါ ကနေ့ခေတ် စားစရိတ်ကို ပြန် တွက်ကြည့်ရအောင်။ မိသားစုလေးဦး (သို့မဟုတ်) ငါးဦးရှိတဲ့ အိမ်ထောင်စု တခုဟာ တလတလကို စားစရိတ်ချည်းပဲ ကျပ်ငါးသောင်းလောက် အနည်းလေး ကုန်ပါတယ်။

တနှစ်ဆိုတော့ စားစရိတ်ချည်းပဲ ၆ သိန်းကုန်သွားပါပြီ။ ဆိုတော့ကာ ကျပ်သိန်း ၆ဝ ဆိုတာ ဆယ်နှစ်စာအတွက် စား စရိတ် သက်သက်ပဲ ဖြစ်နေတယ်။ ဖျားလို့နာလို့ ဆေးကုသမယ်ဆိုတာ မပါသေးဘူး။ အဝတ်အစားဖိုး။ သာရေးနာရေး ကုန်ကျ စရိတ်၊ ကလေးပညာရေး၊ ခရီးသွားဖို့ ပေါ်လာရင် သုံးရမယ့် လမ်းစရိတ် စတာတွေ မပါသေးဘဲ စားတာ တခုထဲနဲ့ပဲ အဲသည့် လျှော်ကြေးငွေ သိန်း ၆ဝ ဟာ ဆယ်နှစ်နေတော့ ကုန်သွားပါပြီ။ အဲသည့် ဆယ်နှစ်အတွင်း ဆန်၊ ဆီ၊ ဆား၊ သားငါး စတဲ့ ကုန်ဈေးနှုန်းတွေက တက်လာဦးမှာကိုလည်း ထည့်မတွက်ရသေးဘူး။ ဝမ်ပေါင်နဲ့ ဦးပိုင်က နှစ်ခြောက်ဆယ်စာ ငှားတယ်ဆိုတော့ နောက်ထပ် ဆက်သွားရမယ့် နှစ်ငါးဆယ်အတွက် ဘယ်လိုလုပ်ကြမလဲ။ ရလာ တဲ့ လျှော်ကြေး သိန်း ၆ဝ ကိုအရင်းပြုပြီး စီးပွားရေးလုပ် ဆိုပြန်ရင်လည်း လယ်သမားတဦးက ဘယ်လိုစီးပွားရေးမျိုး လုပ်နိုင်မလဲ၊ လုပ်တတ်မလဲ။ တသက်လုံးက လယ်ထွန်ယာထွန် လူမျိုးဆိုတော့ ကာရန်မသင့်ရင် အရင်းပြုတ်နိုင်သေး တယ်။ အရင်းပြုတ်ရင် လယ်သမားဆိုတာ ခေတ်ပညာတတ်တွေ မဟုတ်လေတော့ ဖြစ်လာမယ့် အကျိုးဆက်က အိမ်နီးချင်းနိုင်ငံတွေကိုထွက်ပြီး ကျွန်ခံဖို့ပဲ ကျန်တော့တယ်။

တိုင်းပြည်ထဲမှာ ဖြစ်ဖြစ် သူများနိုင်ငံမှာ ဖြစ်ဖြစ် အမျိုသမီးငယ်တွေ ပြည့်တန်ဆာဘဝကို ကျရောက်သွားနိုင်တယ်။ အရင်တုန်းကတော့ နိုင်ငံခြားရင်းနှီးမြုတ်နှံမှုကို နိုင်ငံကြီးတွေက ပိတ်ဆို့ထားလို့ မြန်မာနိုင်ငံသား အမျိုးသမီးတွေ အလုပ် လက်မဲ့ဖြစ်ပြီး ပြည့်တန်ဆာဘဝကို တွန်းပို့ခံရတယ်လို့ မြန်မာပညာရှင်တချို့ဆိုသူများက ဝေဖန်ဖူးတယ်။ ကိုင်း နိုင်ငံ ခြား ရင်းနှီးမြုတ်နှံမှု ဝင်လာတိုင်းလဲ လာခြင်းကောင်းသလားဆိုတာ တွက်ကြည့်ကြပါဦးဗျာတို့။ တကယ်လို့ ရှိထားတဲ့ အဲသည့် လယ်လေးဧကအပေါ်မှာ စိုက်ပျိုးထွန်ယက်ပြီး အသက်မွေးမယ်ဆိုရင် အနည်းဆုံး ထမင်းစားဖို့လောက်တော့ အဆင်ပြေနိုင်သေးတယ်။ ဆင်းရဲနေဆဲ ဆိုပေမယ့် သားစဉ်မြေးဆက် အဲသည့်မြေကို အမှီပြုပြီး အသက်ရှင်သန် နိုင် သေးတယ်။ ဖွံ့ဖြိုးတိုးတက်ရေး သီအိုရီမှာ မူလအခြေအနေတခုကနေ နောက်ထပ် အခြေအနေသစ်တခုဆီကို ပြောင်း သွားခြင်းဟာ အကောင်းကို ဖန်တီးပေးသလို သည့်ထက်ဆိုးတာကိုလည်း ရင်ဆိုင်ရစေတယ်လို့ ဆိုထားတယ်။ ဒါကြောင့် ဘယ်လိုနိုင်ငံခြား ရင်းနှီးမြုတ်နှံမှုဟာ နှစ်ဖက်အကျိုးရှိသလဲ၊ ဘယ်လိုဟာမျိုးကတော့ ကိုယ့်လည်ပင်းကို ပြန်ပြီး ကြိုးကွင်းစွပ်သလိုမျိုး ဖြစ်စေသလဲဆိုတာ နားလည်ဖို့လိုတယ်။ နားလည်ပေမယ့် လူတစုကောင်းစားရေးအတွက် မျက်ကွယ်ပြုမယ် ဆိုရင်တော့လည်း မတတ်နိုင်ဘူးပေါ့။ ဒါက လူတွေ စားရေးနေရေးအတွက်လောက်ပဲ ထောက်ပြ သေးတာပါ။

နိုင်ငံခြားရင်းနှီးမြုတ်နှံမှုကြောင့် သဘာဝပတ်ဝန်းကျင်ဟာ ပြန်လည်ပြုပြင်လို့ မရလောက်အောင် ပျက်သုံးမယ် ဆိုရင် တော့ အဲတာလည်း နောက်ထပ် ကြီးမားတဲ့ ဆုံးရှုံးမှုပါပဲ။ နောက်တခု ထောက်ပြခြင်တာက သဘာဝပတ်ဝန်းကျင် ပျက် သုဉ်းခြင်းဟာ အဲသည့် အရပ်ဒေသက လူတွေရဲ့ ရိုးရာယဉ်ကျေးမှု၊ ဓလေ့ထုံးစံ၊ ဒေသဆိုင်ရာ ရိုးရာဗဟုသုတတွေကို လည်း ဖျက်ဆီးလိုက်တာနဲ့ အတူတူပါဘဲ။ ဘရာဇီးနိုင်ငံဟာ ကမ္ဘာမှာ အကြီးဆုံးသော အမြဲစိမ်း အီကွေတာ သစ်တော ကြီးတွေကို ပိုင်ဆိုင်တယ်။ ဒါပေမယ့် သစ်ထုတ်ဖို့၊ စီးပွားဖြစ် စိုက်ခင်းတွေဖြစ်တဲ့ ကော်ဖီ၊ ကြံ၊ ပြောင်းဖူး စတာတွေ စိုက်ပျိုးဖို့ သစ်တောတွေကို ခုတ်ရင်းနဲ့ အဲသည့် သစ်တောကြီးတွေ အထဲမှာ မီတင်းနေထိုင်နေတဲ့ တိုင်းရင်းသား လူမျိုးငယ်တွေ တစ တစ တိမ်ကောလာတော့တယ်။ ကျားတွေ၊ ဆင်တွေနဲ့ ရှားပါးတဲ့ သတ္တဝါတွေကို မသတ်ဖြတ်ဘဲ ထိမ်းသိန်းဖို့ ပြောနေတဲ့ ခေတ်ကြီးမှာ လူသားတွေရဲ့ ရိုးရာနဲ့ ဘဝနေထိုင်မှု စနစ်တွေကိုကော ပိုပြီး မကာကွယ် ထိုက်ဘူးလား။

အခုတော့ တိုင်းပြည်ဖွံ့ဖြိုးရေး ဆိုတာကို အကြောင်းပြုပြီး မြန်မာနိုင်ငံရဲ့ တောင်ပေါ်မြေပြန့် နေရာအနှံ့က လယ်သမား တွေ၊ ခြံသမားတွေက သူတို့ရဲ့ ဘဝတွေကို စတေးပေးနေရတယ်။ လာမယ်လို့ တာစူနေတဲ့ နိုင်ငံခြားရင်းနှီးမြုတ်နှံမှု တွေကလည်း သတ္ထုရှာဖို့၊ ရွှေရှာဖို့၊ သဘာဝဓာတ်ငွေ့ရှာဖို့၊ ကျောက်တူးဖို့လောက်ပဲ အားသန်ကြတယ်။ ကုန်ထုပ်လုပ်မှု တခုခု ထုတ်လုပ် ဖို့ လာချင်တဲ့ ကုမ္ပဏီမျိုးက အရှားသားလား။ သဘာဝရင်းမြစ်ကို ထုတ်ယူတာက သေချာပေါက် အမြတ်ရမှာဆိုတော့ ဘယ်သူကမှ စက်ရုံ အလုပ်ရုံတွေ ဆောက်ပြီး ကုန်ပစ္စည်းထုတ်တာကို မလုပ်လိုကြဘူး။

အခု ထိုင်းနိုင်ငံမှာ ကျွန်းသစ်ကို ဘယ်သူမှ ခုတ်ခွင့်မရှိဘူး။ ခိုးခုတ်တာ မိလို့ကတော့ ထောင်ထဲသွားဘဲ။ တကယ်လို့ မြေလွတ် ကြီးကြီးမားမား ပိုင်ဆိုင်တဲ့သူက ကျွန်းပင်စိုက်လိုတယ်ဆိုရင် အစိုးရက ကျွန်းမျိုးနဲ့ နည်းပညာကို လာပေး တယ်။ သတ်မှတ်ထားတဲ့ သက်တန်းကို ရောက်ရင်လည်း အစိုးရက သူကိုယ်တိုင် မခုတ်သလို မြေရှင်ကိုလည်း ခုတ် ခွင့်မပေးဘူး။ ဒါပေမယ့် မြေရှင်ကို ကျွန်းပင်တွေ လက်ခံပြီးစိုက်ပျိုးပေးထားတဲ့အတွက် တပင်ကို ဘယ်လောက်ဆိုပြီး အစိုးရက ပိုက်ဆံ ပြန်ပေးတယ်။ ကျွန်းပင်များများ စိုက်ထားရင် များများပိုက်ဆံရတယ်။ အဲသည့်ပိုက်ဆံနဲ့ ဘဝရပ်တည် နိုင်တဲ့အပြင် တိုက်တွေဆောက် ကားတွေတောင် ဝယ်နိုင်သေးတယ်။ လူမြေပိုင်ရှင်က ကျွန်းပင်မြေငှားဆီက မြေငှားခ ရသလိုမျိုးနဲ့ သဘောဆင်တယ်။

အခုလက်ပတောင်းမှာ ဖြစ်နေတာက မြေသိမ်းခံရလို့ရတဲ့ လျှော်ကြေးကလည်း ရေရှည်ရပ်တည်ဖို့ မဖြစ်နိုင်။ အနှစ် ခြောက်ဆယ် ကြာလို့ မြေပြန်ရတယ်ပဲထား၊ လက်ရှိလယ်သမားတွေရဲ့ မြေးတွေမြစ်တွေက လယ်ကောလုပ်တတ်ဦးမှာ လား။ လယ်မြေယာမြေတွေကကော စိုက်လို့ပျိုးလို့ ရပါဦးမလား။ ဓာတုဆေးဝါးဒဏ်တွေကို ဘယ်လိုအတိုင်းအတာနဲ့ မြေကြီး စုပ်ယူ ထားတယ်ဆိုကလည်း ရှိသေးတာကိုး။ သူများနိုင်ငံ သူဌေးတိုင်းပြည်တွေတော့ မပြောတတ်ဘူး၊ မြေ ဆိုတာ မြန်မာပြည်လို နိုင်ငံမျိုးမှာတော့ လူတိုင်းအတွက် အသက်သွေးကြောပါ။ ထွန်ယက်စားနေတဲ့ မြေကော၊ အိမ် ဆောက်ထားတဲ့ မြေကော အားလုံးဟာ ဆင်းရဲသားအများစု ဖြစ်တဲ့ မြန်မာနိုင်ငံသားတွေရဲ့ အခြေခံပိုင်ဆိုင်မှု ဖြစ်တယ်။

လက်ရှိအုပ်ချုပ်သူ အစိုးရကော အရင်စစ်အစိုးရ အဆက်ဆက်တွေပါ တသီးပုဂ္ဂလပိုင်ဆိုင်မှုကို အလေးအနက် သဘော မပေါက်တာကို တွေ့ရတယ်။ တသီးပုဂ္ဂလပိုင်ဆိုင်မှုအတွက် ခိုင်ခန့်တဲ့ တရားမျှတတဲ့ ဥပဒေဆိုတာလည်း မရှိဘူး။ ဦးခင်ရွှေက မြေတွေကို စစ်တပ်အားကိုးနဲ့ သိမ်းယူပြီး နောက်ပိုင်းမှ ဒါတွေဟာ ကျုပ်ပိုင်တဲ့မြေတွေ ကျုပ်ရဲ့တသီးပုဂ္ဂလ ပိုင်ဆိုင်မှု ဆိုပြီး လုပ်ချင်တာကို မြင်နေရတယ်။ နောက်မှလည်း လာသေးတယ် မောင်ဦးလည်း လုပ်ချင်သေးတယ်။ လူပါးဝချက်ကတော့ ကမ်းကုန်တယ်။ ဓားတဝင့်ဝင့် လုပ်ခဲ့တဲ့ မြေရှင်ပဒေသရာဇ် ဘုရင်တွေ လက်ထက်မှာတောင် မြေကို သိမ်းချင်တိုင်း သိမ်းခွင့်ရှိခဲ့တာမဟုတ်ဘူး။ သူတို့မှာလည်း သူ့တို့ခေတ်အခါအရ အုပ်ချုပ်သူ ဘုရင်နဲ့ အုပ်ချုပ်ခံ လူတန်းစား အကြား လိုက်နာခဲ့ရတဲ့ ရိုးရာစည်းမျည်းစည်းကမ်းတွေ ရှိခဲ့တယ်။ ကိုယ့်မြေကို အသိမ်းမခံရဘူး သူတွေအ နေနဲ့ မြေဆုံးသွားခဲ့ရတဲ့ သူတွေကို နားလည်ဖို့ ခက်ကောင်းခက်ပါလိမ့်မယ်။ ထိုက်သင့်တဲ့ လျှော်ကြေးပေးလိုက်ရင် ပြီးတာပဲ မဟုတ်လားလို့ အထွန့်တက်သူတွေလည်း ရှိနေတယ်။

ကိုင်း ထိုက်သင့်တဲ့ လျှော်ကြေးဆိုတာ ဘာကိုခေါ်တာလဲ။ ထိုက်သင့်တဲ့ လျှော်ကြေးဆိုတဲ့ အသုံးအနှုန်းကို အမြင် အကပ်ဆုံး။ အခု လက်ပံတောင်းမှာ ပေးနေတဲ့ လျှော်ကြေးဟာ တဧက ဆယ့်ငါးသိန်းဖြစ်လို့ ထိုက်သင့်တဲ့ လျှော်ကြေး လို့ တချို့က မြင်ကောင်း မြင်နေနိုင်တယ်။ ဒါပေမယ့် နှစ်ခြောက်ဆယ် ဆိုတာကို ထည့်မပြောတော့ဘဲ မသိချင်ရောင် ဆောင်နေတာ မျိုးလည်း ရှိနေတယ်။ တဧက ဆယ့်ငါးသိန်း၊ လယ်သမားက အသက် ၃ဝ ဝန်းကျင်ဆို ပါတော့။ အဲဒါ ကြောင့် အဲသည့် လယ်သမားရသင့်တဲ့ ငွေကြေးဟာ သူအသက် ခွန်နှစ်ဆယ်၊ ရှစ်ဆယ်လောက်အထိ လူလိုသူလို နေထိုင်စားသောက်နိုင်တဲ့ ပမာဏဖြစ်ရမယ်။

ဥပမာ ဆိုရရင် အသက် ၃ဝ အရွယ် လယ်သမားနဲ့သူ့မိသားစုရဲ့ စားစရိတ်ဟာ တောအရပ်မို့ တလကို ကျပ်ငါးသောင်းနဲ့ လောက်တယ်ထား။ နောက်ထပ် အနှစ်ငါးဆယ်စာလောက် လျှော်ကြေးရမှသာ တရားတယ်လို့ ဆိုနိုင်မယ်။ တနှစ်ကို စားစရိတ်ခြောက်သိန်းနဲ့ အနှစ်ငါးဆယ်အတွက် ကျပ်သိန်း ၃ဝဝ လောက် လယ်သမားဖက်က ရသင့်တယ်။ ဆိုလိုတာ က ထိုက်သင့်တဲ့လျှော်ကြေး ဆိုတာထက် ပိုပေးရမယ်လို့ ပြောနေတာ။ ဒါတောင် လယ်သမားက သူ့လယ်မြေကို ဖက် ထားပြီး မစွန့်ချင်ဘူးဆိုရင် ပြန်စဉ်းစားပေးဖို့လိုသေးတယ်။

တချိန်တုန်းက ဖိလစ်ပိုင်နိုင်ငံမှာ လယ်ယာမြေ ပြန်လည်ဝေခြမ်းရေး လုပ်တော့ အစိုးရနဲ့ မြေရှင်အကြား မြေရောင်းတဲ့ ဝယ်တဲ့ စနစ်တခု ရှိခဲ့ဘူးတယ်။ ဖိလစ်ပိုင်အစိုးရ မြေရှင်ဆီက မြေဝယ်နိုင်ဖို့ ရလာတဲ့ငွေက ကမ္ဘာ့ဘဏ်ကပေးတာ။ ကမ္ဘာ့ဘဏ်က ငွေရှင်ဆိုတော့ ဘယ်လို စနစ်မျိုးနဲ့ ဝယ်ရမယ်ဆိုပြီး ဖိလစ်ပိုင်အစိုးရကို လိုင်းချပေးထားတယ်။ အဲသည့် စနစ်ကို ဝယ်လိုသူနဲ့ ရောင်းလိုသူ စနစ်လို့ ခေါ်တယ်။ အင်္ဂလိုတော့ willing buyers and willing sellers လို့ လူသိများ ခဲ့တယ်။ ဆိုလိုတာကတော့ ရောင်းခြင်ရင် ရောင်းလို့ရသလို မရောင်းလိုကလည်း မရောင်းဘဲ နေနိုင်တယ်။ သို့သော် အဲသည့် စနစ်ဟာ မအောင်မြင်ခဲ့ဘူး။ ဘာဖြစ်လို့တုန်းဆိုတော့ ဖိလစ်ပိုင်နိုင်ငံမှာ မြေပိုင်ရှင်ဆိုတာ မြေဧကပေါင်း သောင်းနဲ့ သိန်းနဲ့ချီပြီး ရှေးတုန်းကထဲ ပိုင်ဆိုင်နေတာ ဖြစ်လို့။ မြေပိုင်ရှင်အတော်များများဟာ မကောင်းတတ်လို့ သူတို့ ပိုင်တဲ့ မြေထဲက အနည်းအကျဉ်းလောက်ပဲ ပြန်ဖဲ့ရောင်းတာမျိုးလောက်ဘဲ ရှိခဲ့တယ်။ တခါ လယ်သမားကလည်း ရလာတဲ့ မြေပေါ်မှာ ထွန်ယက်စိုက်ပျိုးတော့ ငွေလိုလာတယ်။ ပြင်ပကနေ ငွေချေးရတယ်။ သဘာဝဖောက်ပြန်လို့ သီးနှံမအောင်တဲ့ နှစ်တွေများလာတော့ နောက်ဆုံး အဲသည့် ရထားတဲ့မြေတွေဟာ မြို့ပေါ်က ငွေရှင်လက်ထဲမှာ ပေါင် သလိုလို ရောင်းသလိုလိုနဲ့ ဆုံးကုန်တာများတယ်။

အခုလည်း ဦးခင်ရွှေ အပါအဝင် လယ်သမားမဟုတ်ဘဲနဲ့ လယ်မြေတွေကို မတရား ပိုင်ဆိုင်နေတဲ့ သူများလက်ထဲက ကမ္ဘာ့ဘဏ်က ငွေစိုက်ပြီး ပြန်ဝယ်၊ လယ်သမားများကို ပြန်လည်ဝေခြမ်းရေး လုပ်မယ်ဆိုရင်ကော အောင်မြင်ပါ့မလား။ မရောင်းဘဲတင်းခံနေတာမျိုးလည်း ဖြစ်နိုင်တယ်။ တခါ ဝေဖန်ခံနေရလွန်းလို့ ရှက်ရှက်နဲ့ ဈေးကောင်းရရင်လည်း ပြန် ရောင်းမယ် ဆိုတာမျိုးလည်း ဖြစ်နိုင်တယ်။ လယ်သမားတော့ လယ်ပြန်ရနိုင်တယ်။ သို့သော် ကမ္ဘာ့ဘဏ်က ပိုက်ဆံဟာ ဦးခင်ရွှေတို့လို လူမျိုးတွေ အိတ်ထဲရောက်သွား မှာဘဲ။ လယ်ယာမြေတွေကို ပြန်ပေးဆွဲထားတဲ့ သူတွေလက်ထဲက ပြန်ရွေးရသလိုမျိုး သဘောဆန်မှာပေါ့။ ပြီးရင် လယ်သမားဟာ ငွေလိုလို့ ချေးရင်းချေးရင်းနဲ့ ဖိလစ်ပိုင်လယ်သမားတွေ လို ဖြစ်သွားနိုင်သေးတယ်။

နိုင်ငံရေးခေါင်းဆောင်များ၊ လှုပ်ရှားတက်ကြွသူများ အများစုဟာ မြို့နေလူတန်းစား ဖြစ်လေတော့ လယ်သမားတွေရဲ့ နစ်နာချက် ခံစားချက်ကို သဘောပေါက်တာလောက်ပဲ ရှိပါလိမ့်မယ်။ ထဲထဲဝင်ဝင် နားလည်အောင်ကြိုးစားပြီး ရှည်ကြာ ဦးမယ့် မြေယာတိုက်ပွဲတွေအတွက် အာဂန္တု သဘောမဟုတ်ဘဲ စဉ်ဆက်မပြတ် ကူညီပေးဖို့ အကြံပြုလိုတယ်။

ဇော်မင်း
၂၅ ရက်၊ မတ်လ၊ ၂ဝ၁၃ ခုနှစ်

(ရွက်မွန်ဘလော့ခ်မှ ကူးယူဖေါ်ပြ)