တပ်ဆုတ်နေတာကို မနှောင့်ယှက်ဖို့ဆိုပြီး ကာ-ဖာ-ဖားတဲ့လူက ကာ-ဖာ-ဖားနေတာကြားလို့...

နောက်ဆုတ်နေတဲ့တပ် နောက်ဆုတ်နေတဲ့ခြေထောက်

“ကျနော့်အမြင်တော့ တပ်က နောက်ဆုတ်နေတာ။ ရှေ့တိုးတာ မဟုတ်ဘူး။ တပ်မှူးကောင်းတို့မည်သည်ကား တပ်ကို ဆုတ်တဲ့အခါမှာ အစီအစဉ်တကျဆုတ်ရပါတယ်။ အခု ၂၀၀၈ ခုနှစ် အခြေခံဥပဒေကို နောက်ခံထားပြီး ဆုတ်တာ ဖြစ်တယ်။” အဲသလိုပြောသွားသူကတော့ ၂၀၁၀ ရွေးကောက်ပွဲအတွက် နန့်နန့်တက်ဖြစ်နေတဲ့ ဦးသုဝေ ဘဲ ဖြစ်ပါတယ်။

ဒီနေရာမှာ ရှင်းရှင်းသိထားဖို့က နအဖ တပ်မှာ နောက်ဆုတ်တယ် ဆိုတာ မရှိပါဘူး။ ခွာစစ်ဆင်တယ် ဆိုတာဘဲရှိပါတယ်။ နအဖတပ်ဟာ ဂျပန်ဖက်ဆစ်တပ်က မွေးထုတ်ထားတာဖြစ်လို့
ဂျပန်ဖက်ဆစ်တပ်လိုဘဲ တပ်ဆုတ်တဲ့ကဏ္ဍကို သူ့စစ်ဗျူဟာမှာ လက်မခံပါဘူး။

ဗိုလ်ချုပ်အောင်ဆန်းဟာ ဗမာ့တပ်မတော်ကို စတင်တည်ထောင်တုံးက ဂျပန်စစ်တပ်ရဲ့ တပ်,မဆုတ်ရေး အားနည်း ချက်ကိုသိမြင်ပြီး ဗမာ့တပ်မတော်ရဲ့ စစ်သဘောတရားမှာ တပ်ဆုတ်ရေးဗျူဟာနဲ့ သဘောတရားကို အသေအချာ ထည့်သွင်းဖို့ လမ်းညွှန်ခဲ့ပါတယ်။ လွတ်လပ်ရေးရပြီးနောက်ပိုင်း ဗမာ့တပ်မတော်ရဲ့ စစ်ပါရဂူဖြစ်လာတဲ့ ဗိုလ်မှူးချုပ်ကျော်ဇော၊ ဗမာ့တပ်မတော်ရဲ့ ခေတ်မီရေး သဘောတရားပါရဂူလုပ်ခဲ့တဲ့ ဗိုလ်မှူးချုပ်မောင်မောင် တို့ကလည်း တပ်ဆုတ်ခွာခြင်း သဘောတရားနဲ့ လက်တွေ့ကို စစ်မဟာဗျူဟာ နည်းဗျူဟာတွေထဲ စနစ်တကျထည့်သွင်းချမှတ်ခဲ့ပါတယ်။

ဒါပေမဲ့ ဒီမိုကရေစီအစိုးရကို ဖြတ်လမ်းနည်းနဲ့ အင်အားသုံးဖြုတ်ချခဲ့တဲ့ ဗိုလ်နေဝင်းရဲ့ စစ်အာဏာသိမ်းပွဲနောက်ပိုင်းမှာတော့ ဗမာ့တပ်မတော်ဟာ ဖက်ဆစ်တပ်မတော် မူလဇာတိရုပ်ကို ပြန်လည်ရုပ်လုံးဖော်လာခဲ့ပါတယ်။ အခြေခံ စစ်ပညာလေ့ကျင့်ရေးတပ်ကအစ ဗိုလ်သင်တန်းကျောင်း၊ စစ်တက္ကသိုလ်၊ စစ်ဦးစီးတက္ကသိုလ်အလယ်၊ နိုင်ငံတော် ကာကွယ်ရေးတက္ကသိုလ်အဆုံး တပ်မတော်စစ်မဟာဗျူဟာ စစ်နည်းဗျူဟာ သင်ကြားပို့ချမှုအားလုံးဟာ မဆုတ်ရေးကိုဘဲ ဦးစားပေးလာပြီး တပ်ဆုတ်ရေးကို လုံးဝလျစ်လျူရှုခဲ့ပါတော့တယ်။ တပ်ဆုတ်ရေးအစား ခွာစစ်ဆင်ရေး ဆိုတဲ့ ခေါင်းစဉ်နဲ့ဘဲ အကန့်အသတ်ကြီးကြီးမားမားနဲ့ သွတ်သွင်းလာပါတော့တယ်။ အင်္ဂလိပ်လို military retreat လို့ သုံးနှုံးပေမဲ့ ဗမာလိုတော့ စကားလုံးအဓိပ္ပာယ်အရကို ယာယီခွာထားတဲ့သဘော၊ ပြန်ထိုးမယ့်သဘော ဖြစ်ပါတယ်။

နအဖစစ်တပ်သတ်မှတ်ထားတဲ့ ခွာစစ်ဆင်ဖို့ အကြောင်းတရားတွေကတော့
(က) ရန်သူအားနှောင့်ယှက်ရန်၊အင်အားယုတ်လျော့စေရန်
(ခ) ရန်သူအားကျုံးသွင်း၍ဖျက်ဆီးရန်(
(ဂ) အဆုံးအဖြတ်တိုက်ပွဲများအတွက် ပြင်ဆင်ချိန် ပိုရရန်
(ဃ) မိမိတပ်များ တပ်ဖြန့်ပုံနှင့်တညီတစည်းတည်းဖြစ်ရန်
(င) မိမိတပ်အစိတ်အပိုင်းကို အခြားတဒေသတွင် သုံးနိုင်ရန်
(စ) ရန်သူ့ထိုးစစ်ကို ရင်ဆိုင်နိုင်စွမ်းမရှိလို့ မိမိအင်အား လုံးဝချေမှုန်းခံရမယ့်အခြေအနေမျိုး မိမိအကျိုးယုတ် စေမယ့်အခြေအနေမျိုးကို ရှောင်ရှားရန်တို့ ဖြစ်ပါတယ်။ ဒီကနေ့ နအဖ လုပ်နေတာဟာ အဲဒီအချက် ၆ ချက်နဲ့တောင် အကျုံးမဝင်သေးပါဘူး။ တကယ်လို့ အကျုံးဝင်မယ်ဆိုရင်လည်း ဘယ်လိုမှ နောက်ဆုတ်တာမဟုတ်ဘဲ ကိုက်မယ့်ခွေး နောက်တလှမ်းဆုတ်တဲ့သဘောလောက်ဘဲ ဖြစ်ပါလိမ့်မယ်။

လက်တွေ့ ရှေ့တန်းစစ်မြေပြင်မှာဆိုရင် နအဖစစ်တပ်ဟာ မဆုတ်တမ်းခံစစ်စခန်း ဆိုတာတွေ တည်ဆောက်ထားပါ တယ်။ ခ-အဆင့် မဆုတ်တမ်းခံစစ်စခန်းဆိုတာ တိုင်းစစ်ဌာနချုပ်အမိန့်မရဘဲ ဆုတ်ခွင့်မရှိတဲ့စခန်းဖြစ်ပြီး က-အဆင့် မဆုတ်တမ်းခံစစ်စခန်းဆိုရင်တော့ ကကကြည်းအမိန့်မရဘဲ ဆုတ်ခွင့်မရှိတဲ့စခန်း ဖြစ်ပါတယ်။ ကကကြည်းဟာ ဘယ်တော့မှ ဆုတ်မိန့်ပေးတဲ့ထုံးစံမရှိလို့ တကယ်တော့ လုံးဝမဆုတ်ဘဲ အသေခံရတဲ့စခန်းတွေသာ ဖြစ်ပါတယ်။ ဒီလိုစခန်းမျိုးတွေကဆုတ်ရင် သေချာပေါက် စစ်ခုံရုံးနဲ့ တွေ့မှာဖြစ်ပါတယ်။

ဗမာစစ်တပ်မှာလူကိုအလေးထားတာ မဟုတ်တဲ့အတွက် လူမသေဘဲ လက်နက်ဆုံးရင် စစ်ခုံရုံးရောက်တာချည်း ဖြစ်ပါတယ်။လေတပ်မှာဆိုရင် ပျံနေရင်း လေယာဉ်ပျက်လို့ လေယာဉ်မှူး လေထီးနဲ့ခုန်ဆင်းရင် စစ်ခုံရုံးနဲ့တွေ့ပါတယ်။ နာဂစ်မုန်တိုင်းတုံးက ရေတပ်အရာရှိတွေ စစ်သည်တွေဟာ အခြေအနေကိုသေချာသိလျက်နဲ့ စစ်ခုံရုံးကိုကြောက်လို့ စစ်သင်္ဘော အစုတ်ကလေးတွေပေါ်မှာဘဲ တွယ်ကပ်နေကြရတဲ့အတွက် ရေတပ်ရဲဘော် ရာနဲ့ချီပြီး အသက်ဆုံးခဲ့ကြပါတယ်။ ဒါဟာ နအဖစစ်တပ်ရဲ့ မဆုတ်ရေး သဘောတရားအပေါ် အခြေခံတာဖြစ်ပါတယ်။

ဒီလိုလက်နက်ကလေးတလက်၊ စခန်းလေးတခု၊ လှေကလေးတစီးကိုတောင် ဘယ်လိုအခြေအနေမှာဖြစ်ဖြစ် စွန့်လွှတ် ဖို့စိတ်မကူးတဲ့နအဖ ဟာ တနှစ်ကို အနည်းဆုံးဒေါ်လာ သန်း ၂၀၀၀ ဝင်နေတဲ့ သဘာဝဓာတ်ငွေ့တွေ၊ ဒေါ်လာ သန်းချီရတဲ့ကျောက်စိမ်း၊ ကျောက်နီ၊ ရွှေ၊ ကြေးနီ၊ ကျွန်း ပျဉ်းကဒိုး ပိတောက်၊ ငါး ပုဇွန် နဲ့တကွတပြည်လုံးက လူထုတွေ လုပ်ငန်းရှင်တွေဆီ က ဆက်ကြေးတွေကို စွန့်လွှတ် ဆုတ်ခွာပြီး သဟိတ်ဂ်မြို့သို့မဟုတ် ဘရပ်ဆဲမြို့က စစ်ရာဇဝတ်မှုအထူးခုံရုံး သို့မဟုတ် လူသားမျိုးနွယ်ဆန့်ကျင်ရေး ရာဇဝတ်မှုအထူးခုံရုံးဆီ ချီတက်ဖို့ ဘယ်တော့မှ မလုပ်ပါဘူး။

အခုဆိုရင် ဗိုလ်ချုပ်ကြီးများ အဓိကရှယ်ယာပါတဲ့ စီးပွားရေးကုမ္ပဏီတွေ၊ ဦးပိုင်နာမည်ခံထားတဲ့ မြန်မာ့စီးပွားရေး ဗိုလ်ပိုင်လီမိတက်နဲ့ တခြားစစ်တပ်ကုမ္ပဏီက ဗမာပြည်စီးပွားရေး အဆောက်အအုံကြီးကို စိတ်ပိုင်းခွဲခြမ်းပြီး အိတ်တွေထဲထည့်နေကြတာ တွေ့ရသလို အနှစ် ၂၀ လုံးလုံး စီးပွားရေးထဲနစ်နေတဲ့ တိုင်းရင်းသား အပစ်ရပ်တွေရဲ့ခေါင်းပိုင်းတွေကို မညှာမတာ ကိုယ်ချင်းမစာ ကန်ထုတ်ပြီး ပင်လုံအခွင့်အရေး တခုမှမပေးဘဲ ရှိသမျှ လူ-လက်နက်-နယ်မြေ အားလုံး မောင်ပိုင်စီး အခွံခွာဖို့လုပ်နေတာ တွေ့ရပါတယ်။

ရွေးကောက်ပွဲဥပဒေပါတီမှတ်ပုံတင်ဥပဒေတွေကို ကြည့်လိုက်တဲ့အခါ လက်ရှိထောင်ကျနေတဲ့ ပါတီဝင်တွေကို ဖယ်ထုတ်ဖို့တင်မကထောင်ကျခဲ့ဖူးပြီး နအဖရဲ့'သက်ဆိုင်ရာ'က အမတ်အဖြစ် ပယ်ဖျက်ထားသူတွေပါ ရွေးကောက်ပွဲ မဝင်နိုင်အောင်လုပ်ထားတာတွေ့ရပါတယ်။ ၂၀၀၈ နာဂစ်အခြေခံဥပဒေဆိုတာ တမျိုးသားလုံး၊ တိုင်းရင်းသားပြည်သူအားလုံးကို ကျွန်ပြုမယ့်ဥပဒေလို့ အများက သတ်မှတ်ထားပေမဲ့ အခု ၂၀၁၀ ရွေးကောက်ပွဲဥပဒေတွေကတော့နိုင်ငံရေးသမားတွေ နိုင်ငံရေးပါတီတွေကို အထူးသီးသန့်ရွေးပြီး ကျွန်ပြုဖို့ ထုတ်ပြန်ထားတဲ့ဥပဒေတွေ ဖြစ်နေပါတယ်။

ဒါ့အပြင် ခွာစစ်မှာ လုပ်ရကိုင်ရမယ့်လုပ်ငန်းစဉ်တွေကို သတ်မှတ်ထားတာလည်း ရှိပါသေးတယ်။ အဲဒီထဲ ပါတာတွေကတော့ ရန်သူနဲ့အဆက်ဖြတ်ခြင်း၊ အမြောက်ပစ်ကူပေးခြင်း၊ လှည့်စားခြင်း၊ နောက်ချန်တပ်ခွဲထုတ်ခြင်း ၊ဒေသန္တရ တန်ပြန်တိုက်ခိုက်မှု ပြုခြင်း၊ ဟန့်စစ်ဆင်ခြင်း၊ ဖုံးကွယ်လျှို့ဝှက်ခြင်း၊ အတားအဆီးများချခြင်း၊ ဖောက်ခွဲဖျက်ဆီးခြင်း (ဆက်သွယ်ရေးလမ်းများ၊ ပစ္စည်းကရိယာများ၊ မြေလှန်စနစ်) တို့ ဖြစ်ပါတယ်။

ဒုတိယကမ္ဘာစစ်အစပိုင်းက အင်္ဂလိပ်စစ်တပ်တွေ မြေလှန်စနစ်ကျင့်သုံးပြီး ဗမာပြည်ကနေ 'အောင်မြင်စွာ' ဆုတ်ခွာ သွားရာမှာ ဗမာပြည်တခုလုံး ဖွတ်ဖွတ်ကြေသွားခဲ့တာ အားလုံးအသိ ဖြစ်ပါတယ်။ အခုလည်း အင်္ဂလိပ်ထက်အဆ တထောင်မကပိုဆိုးတဲ့ နအဖတွေ ဒီလိုဆုတ်ခွာမှာကို ပြောနေတာဆိုရင်တော့ ကျနော်တို့ မြန်မာပြည်သူတွေ ထိုင်း၊ မလေးရှား၊ ဘင်္ဂလား၊ တရုတ် ရရာနိုင်ငံကို ရတဲ့အပေါက်ကနေ အသားကုန်ပြေးဖို့၊ မပြေးနိုင်ရင်တော့ ကမ္ဘာမှာရှိသမျှ ဘုရားအားလုံးကို တ,နေဖို့ဘဲရှိပါတော့တယ်။

ခံစစ်အကြောင်းတရား ခံစစ်လက္ခဏာတွေကတော့
(က) ထိုးစစ်ဆင်ဖို့ ပိုအခွင့်သာတဲ့ အခြေအနေများ ပေါ်ပေါက်ရန် (စစ်ကူ-အချိန်) စောင့်ခြင်း
(ခ) တနေရာတွင် စစ်အင်အားခြိုးခြံခြင်း၊ ရန်သူကိုထိန်းချုပ်/တားဆီးထားခြင်း၊ အမှည့်ချွေ ထားခြင်းဖြင့် အခြားတနေရာတွင် ရန်သူ့ထက်သာလွန်တဲ့အင်အားများ စုရုံး၍ ပြတ်သားစွာထိုးစစ်ဆင်နိုင်ရန
်(ဂ) အချက်အခြာနေရာတခုကို ရန်သူမသိမ်းနိုင်အောင် ကာကွယ်ရန်
(ဃ) စစ်နံကိုကာကွယ်ရန် တို့ဖြစ်ပါတယ်။

တိုက်စစ်အကြောင်းတရားတိုက်စစ်လက္ခဏာတွေကိုကြည့်တဲ့အခါ
(က) ရန်သူ့အင်အားများကိုဖျက်ဆီးရန်
(ခ) ရန်သူ့ နယ်များသိမ်းပိုက်ရန်
(ဂ) ရန်သူက မိမိတပ်မှူးအလိုကို လိုက်နာစေရန်
(ဃ) ရန်သူကို ပထမအဆင့် ထိန်းချုပ်ထား၊ဒုတိယအဆင့် စစ်ကစားထားပြီး တတိယအဆင့် ဖိဖိစီးစီးတိုက်ခိုက်ဖျက်ဆီးရန်
(င) ခံစစ် ခွာစစ်ချီစစ်များဖြင့် လိုအပ်သလိုကျွမ်းကျင်ပါး နပ်စွာပေါင်းစပ်ပြီး စစ်အောင်စေရန် လို့တွေ့ရပါတယ်။ဒါ့အပြင် ရန်သူနဲ့ လူထုကို ချောက် ချားတုန်လှုပ်စေတာ၊ ရန်သူ့ပစ္စည်း ကရိယာ အဆောက်အဦ လမ်းပန်းဆက်သွယ်ရေးတွေကို ဖျက်ဆီးလုယူတာ၊ ရန်သူ့လှုပ်ရှားမှုကျုံ့သွားစေတာ၊ ရန်သူ့လှုပ်ရှား ဂွင်ကျဉ်းသွားစေတာ၊ ရန်သူ့အင်အား ပြန့်ကျဲသွားစေတာလည်း တိုက်စစ်ဖြစ်ပါတယ်။

ဒါတွေနဲ့အခု ၂၀၁၀ ရွေးကောက်ပွဲအတွက် နအဖ လုပ်နေတာတွေကို ချိန်ထိုးကြည့်ရင် နအဖ အခုလုပ်နေတာတပ် နောက်ဆုတ်တာလား၊ ခွာစစ်လား၊ ခံစစ်လား၊ တိုက်စစ်လား သိနိုင်ပါတယ်။ မဆလ-နဝတ-နအဖ စစ်အုပ်စုဟာ တပ်ဆုတ်ဖို့မပြောနဲ့၊ သူတို့ပြောတဲ့ခွာစစ် ဆင်နေတဲ့အရိပ်အယောင်တောင် နည်းနည်းလေးမှ မတွေ့ရပါဘူး။ ကမ္ဘာပေါ်က ဖက်ဆစ်စစ်တပ်တိုင်းမှာ တပ်ဆုတ်တယ်ဆိုတာမရှိဘဲ သေတာတောင် ချီးပန်းမရပ်ဘူးဆိုတဲ့ စရိုက်လက္ခဏာဘဲ အပြည့်ရှိပါတယ်။

ဒါပေမဲ့ တချိန်က ဦးနုရဲ့ ပီဒီပီ လက်နက်ကိုင်တော်လှန်ရေးသမား အဖြစ်ကနေ မဆလ မောင်နေဝင်းထံ လက်နက်ချခဲ့၊ ရှစ်လေးလုံးအရေးတော်ပုံရဲ့ ကြားဖြတ်အစိုးရဖွဲ့စည်းရေး တောင်းဆိုချက်ကို ပထမဆုံးစွန့်လွှတ်ပြီး ၉၀ ရွေးကောက်ပွဲအတွက် ဒီမိုကရေစီပါတီအဖြစ် အဦးဆုံးမှတ်ပုံတင်ခဲ့၊ နောက်တခါ ၂၀၀၈ နာဂစ်အခြေခံဥပဒေအတည်ဖြစ်သွားတဲ့ နောက်မှာ ရန်ကုန် နဲ့ ကနေဒါ စီးပွားရေးလောကမှာ နာမည်ပျက်လှတဲ့ မူးယစ်ရာဇာတဖြစ်လဲ ဖိုးတွမ်တီးထောင်ပြေး မိုက်ကယ်ချူးဟွာ ကျော်မြင့် လက်ဝေခံအဖြစ် ယူဒီပီ ပါတီလုပ်ခဲ့၊ အခုနောက်ဆုံးမှာတော့၂၀၁၀ ရွေးကောက်ပွဲအတွက် ဒီမိုကရက်တစ်ပါတီအဖြစ်ဝင်ဖို့ ရွပိုးထိုးနေတဲ့ ဆရာကြီးကသာ ရောင်စုံအလံတွေလွှင့်ထားတဲ့ ၈၈ ပျက် ၊ ၇၄ ပျက် ၊ ၆၂ ပျက် ၊ မဆလပျက် ၊ အလံနီပျက် ၊ ဗကပပျက် ၊ ပြည်ပြေးပျက် အဲင်အယ်လ်ဒီပျက် စတဲ့ တွင်းတူကျင်းဆို့ တသိုက်နဲ့အတူ ဖရိုဖရဲ ဗရမ်းဗတာနဲ့ တပ်ဆုတ်ပြီးရင်းဆုတ်လိုက်တာ နောက်ဆုံးဝက်တို့ပျော်ရာ တွင်းတိမ်သာထဲအထိ ရောက်သွားတာ တွေ့ရပါကြောင်း။

ဂါမဏိ

ရည်ညွှန်း။
(၁) ဦး-ရေး-ထောက်ဆိုင်ရာအရာရှိများလက်စွဲစာစောင်
(၂) စစ်မြေပြင်လက်စွဲကျမ်း
(၃) ပြည်သူ့စစ်မဟာဗျူဟာကျင့်သုံးမှုလက်စွဲ

(၂၀၁၀ ဧပြီလ ခေတ်ပြိုင် ဝက်ဆိုက်မှာ ဖော်ပြပြီးဆောင်းပါး)