17 September 2014 | အောင်တင်ထွန်း | နေ့သစ်
တိုက်ပွဲစီမံကိန်း။
တိုက်နည်းသဏ္ဌာန်အမျိုးမျိုးတို့ကို အပြန်ပြန်အလှန်လှန် စူးစမ်းလေ့လာပြီးနောက် တိုက်ပွဲစီမံကိန်းကို ချမှတ်ခဲ့တယ်။
တိုက်ပွဲဟာ (က) အမြန်အဆုံးသတ်ရမယ်။
(ခ) ချေမှုန်းရေးစစ်ဖြစ်ရမယ်။ ဆိုတဲ့ တိုက်ပွဲလမ်းညွှန်ချက်ကို တိတိကျကျ ညွှန်ကြားခဲ့တယ်။
(၁) ပထမအဆင့်အနေနဲ့- ရဲဘော် အိုက်ကျုံးရဲ့ (၅၀၃) တပ်ဖွဲ့-ခြေလျှင်တပ်ခွဲ (၃) ခွဲဟာမိမိတို့ရဲ့အမြောက် တပ်ဖွဲ့ (၂) ရဲ့ မီးအားအကာအကွယ်အောက်မှာ ရန်သူရဲ့အမှတ် (၁) တောင်ကုန်း (ဗိုလ်ကြီးညိုဝင်းမြင့်-တပ်ခွဲအခြေပြုနေရာ) ကို အချိန်တိုအတွင်း သိမ်းပိုက်ရန် ၎င်းနောက် (က) အမှတ် (၂) မီးအားအဖွဲ့ဟာသိမ်းပိုက် ရရှိထားတဲ့အမှတ် (၁) ကုန်းပေါ်သို့အမြန်ရွှေ့ပြောင်းပြီး (၅၀၁) တပ်ဖွဲ့နဲ့ (၃၀၃၅) တပ်ဖွဲ့တို့ရဲ့အမှတ် (၆) နဲ့ အမှတ် (၇) စခန်းများ (ရန်သူစစ်ကြောင်းရုံးများတည်ရှိရာ) ကို သိမ်းပိုက်ရေးအတွက် မီးအားပစ်ကူပေးရန်။
(ခ) အမှတ် (၁) စခန်းကိုရပြီးနောက် (၅၀၃) ရဲ့ခွဲ (၂) ခွဲဟာ
ဆက်လက်တိုက်ခိုက်နေတဲ့ (၃၀၃၅) တပ်ဖွဲ့ရဲ့
အရန်အဖြစ် ဆက်လက်ပါဝင်ရန်။
(၂) ရဲဘော်အိုက်လွန်းရဲ့ (၃၀၃၅) တပ်ဖွဲ့ရဲ့ခြေလျင်တပ်ခွဲ (၄) ခွဲ (၅၇ မမနောက်ပွင့်အမြောက် ၃လက်၊
၄၀မမဗဆူကာ ၁၂လက် ၊၇.၆၂မမကိုလိုနောဖ့်စက်လတ် ၁လက်၊ ၆၀ မမ မော်တာ ၃ လက် တွဲဖက်လျှက်) ဟာတိုက်ပွဲစတင်တာနဲ့ တပြိုင်နက် မန်ခါစခန်းရဲ့အနောက်ဖက်ကနေပြီး ရန်သူအမှတ် (၉) နဲ့ (၁၀) စခန်းတွေကို တက်ရောက်တိုက်ခိုက်သိမ်းပိုက်ပြီး နောက်ဆုံးအမှတ် (၇) တောင်ကုန်း (စစ်ကြောင်း ၁ ရုံး) ကို တိုက်ခိုက်သိမ်းပိုက်နိုင်ရေး (အဓိကတာဝန်) ကို ဆက်လက်ဆောင်ရွက်ရန်။
(၃) ရဲဘော်ဆမ်ဘလူးရဲ့ (၅၀၁) တပ်ဖွဲ့မှခွဲ (၃) ခွဲ (၅၇မမ ၃လက်၊၄၀-မမ ဗဆူကာ ၁၂လက်၊ ၆၀မမ ၂လက် ၇.၆၂ စက်လတ် ၁လက်အပါအ၀င်) ဟာ တိုက်ပွဲစတင်တာနဲ့တပြိုင်နက်ထဲမှာ မန်ခါစခန်းရဲ့အရှေ့ဖက်မှ ချဉ်းကပ်ပြီး ရန်သူစစ်ကြောင်း (၂) ရုံးရဲ့ကာကင်းစခန်း (၃) နဲ့ (၄) ကို အချိန်တိုအတွင်း တိုက်ခိုက်သိမ်းပိုက်ရန်။ မိမိတပ်ဖွဲ့ရဲ့ အခြားခြေလျှင်တပ်ခွဲတခွဲဖြင့် မန်ခါမြောက်ဖက်ရှိ ရန်သူရဲ့တပ်စိတ်စခန်း အမှတ် (၅) ကုန်းကို တိုက်ခိုက်သိမ်းပိုက်ရန်။ ၎င်းနောက်တပ်ခွဲ (၄) ခွဲစလုံး ရန်သူရဲ့အမှတ် (၆) ကုန်း (စစ်ကြောင်း ၂ ရုံး) ကို ဆက်လက်တိုက်ခိုက်သိမ်းပိုက်ရန်။
(၄) ရဲဘော်လီနင်မိန်ရဲ့ (၄၀၄၈) တပ်ဖွဲ့ကတပ်ခွဲ (၂) ခွဲဟာ (၅၀၃) တပ်ဖွဲ့ရဲ့တိုက်ခိုက်မှုစတင်တာနဲ့တပြိုင်နက် ရန်သူကာကင်းတပ်စုရဲ့အမှတ် (၂) တောင်ကုန်းကို တိုက်ခိုက်သိမ်းပိုက်ပြီး (၅၀၁) တပ်ဖွဲ့ရဲ့နောက်ကြောကို လုံခြုံစွာကာကွယ်ပေးရန်။ ၎င်းနောက် (၅၀၁) တပ်ဖွဲ့ရဲ့အရံတပ်ဖွဲ့အဖြစ်စုဖွဲ့၍ ရှေ့တန်းစစ်ဦးစီးအဖွဲ့၏ ညွှန်ကြားမှုကို စောင့်ဆိုင်းရန်။
(၅) (၅၀၃) တပ်ဖွဲ့ရဲ့ခွဲ (၄) နဲ့ခရိုင်တပ်မှတပ်ခွဲတခွဲဟာ မန်ခါတပ်စခန်းရဲ့အနောက်မြောက်ဖက် အမှတ် (၅) နဲ့အမှတ် (၁၀) တောင်ကုန်းအကြားရှိ ရန်သူဆုတ်လမ်းကို ဖြတ်တောက်ပိတ်ဆို့ရန်။
(၆) ခရိုင်တပ်ရဲ့တပ်ခွဲတခွဲနဲ့လက်နက်ကိုင်ပြည်သူ့စစ် (၅၀) ကျော်တို့ကိုစုဖွဲ့ပြီးရန်သူအမှတ် (၁) တောင်ကုန်းရဲ့ အနောက်မြောက်ဖက်မှ ရန်သူဆုတ်လမ်းကို ပိတ်ဆို့ဖြတ်တောက်ရန်။
(၇) (၄၀၄၈) တပ်ဖွဲ့ရဲ့ ခွဲတခွဲနဲ့ ခရိုင်တပ်ရဲ့ အားဖြည့်တပ်စုတစုတို့ဟာ ၈၂ မမစိန်ပြောင်း (၁) လက် ကိုလိုနော့်စက်လတ် (၁) လက်တွဲဖက်ပြီး မန်ခူးနဲ့မန်မောက်ကြားမှာ အကျိုးရှိတဲ့မြေအနေအထားကို ရွေးချယ်ဆုပ်ကိုင်ပြီး ရန်သူတပ်ကူကို တားဆီးဖြတ်တောက်ထားရန်နဲ့ မန်ခူးရဲ့ ၇၅ မမ အမြောက်ကိုဖိထားပြီး (၃၀၃၅) တပ်ဖွဲ့ရဲ့နောက်ရန်ကို လျော့နဲစေရန်။
(၈) ခရိုင်တပ်ရဲ့ခြေလျင်တပ်ခွဲ (၂) ခွဲဟာ ၇၅မမ အမြောက်တလက်၊ ၈၂ မမ စိန်ပြောင်းတလက၊် ၀.၅ လေယာဉ်ပစ် စက်ကြီးတလက်တို့နဲ့ တွဲဖက်ပြီး မန်ကန်-မန်ပုံရှိရန်သူရဲ့ အထောက်အကူစခန်းများရှိ အမြောက်များကို ဖိနှိပ်ထိမ်းချုပ်ထားရန်။
(၉) မိမိတို့ရဲ့ အရှေ့မြောက်စစ်ဒေသရဲ့လက်နက်ကိုင်တပ်ဖွဲ့နဲ့ တပ်မဟာ (၄၁၇) လက်နက်ကြီးတပ်ခွဲတို့ကို ပူးပေါင်းပြီး မိမိတို့ရဲ့မီးအားပစ်ကူအဖွဲ့ (၂) ဖွဲ့အဖြစ် ဖွဲ့စည်းလိုက်တယ်။ မီးအားအဖွဲ့ (၁) မှာ ၁၂၀မမ စိန်ပြောင်းကြီး (၂) လက၊် ၇၅ မမနောက်ပွင့် (၁) လက် ၊၀.၅စက်သေနတ်ကြီး (၂) လက်ပါဝင်ပြီး တိုက်ပွဲစစချင်း ရန်သူရဲ့အဓိကစစ်ကြောင်းကုန်း ညွှန်ကြားရေးစခန်းကုန်း (၆) နဲ့ (၇) ကို အဆက်မပြတ်ပွဲပြီးသည်
အထိဖိအားပေးပစ်ခတ်ရန်။
မီးအားပစ်ကူအဖွဲ့ (၂) ဟာ ၇၅ မမနောက်ပွင့် (၃) လက် ၊၈၂ မမစိန်ပြောင်း (၃) လက်၊၀.၅ စက်ကြီး (၃) လက်တို့ပါဝင်ပြီး (၅၀၃) တပ်ဖွဲ့ရဲ့အမှတ် (၁) တောင်ကိုသိမ်းပိုက်ရေးအတွက် ဖိအားပစ်ခတ်စေပြီး အမှတ် (၁) တောင်ကုန်းကို (၅၀၃) တပ်ဖွဲ့မှ သိမ်းပြီးတာနဲ့တပြိုင်နက် အမှတ် (၁) တောင်ကုန်းပေါ်သို့ အမြန်ရွှေ့ပြောင်းစေပြီး (၅၀၁) ၊ (၃၀၃၅) တပ်ဖွဲ့တို့ရဲ့အမှတ် (၆) နဲ့ (၇) တောင်ကုန်းသိမ်းပိုက်ရေးအတွက်
ဆက်လက်ပစ်ခတ်ပေးရန်တို့ ဖြစ်ပါတယ်။
(၁၀) တိုက်ပွဲဝင်တပ်ဖွဲ့အားလုံး (၂၉) ရက်ညအမှောင်ထုကို အကာအကွယ်ယူပြီး သတ်မှတ်ထားတဲ့နေရာအသီးသီးကို လျှို့ဝှက်လုံခြုံစွာနဲ့ ထွက်ခွာကြပြီး ထိုးစစ်စတင်ရန်သတ်မှတ်ထားတဲ့ (စ) မှတ်များသို့ (၃၀) ရက်နေ့ နံနက် ၀၅.၀၀ နာရီမတိုင် ခင်ရောက်ရှိနေရာယူထားရန်။
(၁၁) ဇန်န၀ါရီ (၃၀) ရက်နံနက်၀၆.၀၀တိတိမှာအမှတ် (၁) မီးအားပစ်ကူအဖွဲ့ရဲ့ အမြောက်များ စတင်ပစ်ခတ်ခြင်းဖြင့် စစ်မျက်နှာတခုလုံး စစ်ဆင်ရေး စတင်ရန်ဖြစ်ပါတယ်။ (၁၂) တိုက်ပွဲအခြေအနေ ပြောင်းလဲမှုကြောင့် မူလစီမံကိန်းမှာ မပါဝင်တဲ့ (၄၀၄၈) တပ်ဖွဲ့တဖွဲ့လုံးကိုပါတ
ခြားတပ်ဖွဲ့များနဲ့အတူ မန်ရှန်စစ်မျက်နှာသို့ ခေါ်ယူလာရန် နောက်တန်းသို့ အကြောင်းကြားရန်တို့ ဖြစ်ပါတယ်။
၁၉၈၀-ဇန်န၀ါရီ-၂၅-၂၆ နေ့များမှာ နောက်တန်းမှာချန်ထားခဲ့တဲ့ (၅၀၁) (၅၀၃) (၃၀၃၅) တပ်ရင်းများနဲ့ စစ်ဒေသအမြောက်တပ်တပ်ဖွဲ့အားလုံး ရှေ့တန်းမန်ရှန်မြို့နယ်ရှိ သက်ဆိုင်ရာစုရပ်များသို့ ရောက်ရှိလာတယ်။ ၂၇ ရက်နေ့မှာ ထပ်မံခေါ်ယူထားတဲ့ (၄၀၄၈) တပ်ဖွဲ့ဟာလဲ ရောက်ရှိလာတယ်။
၂၉ ရက်နံနက်ပိုင်းမှာ မိမိတို့တိုက်ပွဲစီမံကိန်းအတွက် လိုအပ်တဲ့ လက်နက်ခဲယမ်းမီးကျောက်များ ၉၀ ရာနှုံးကျော် ရောက်ရှိပြီးဖြစ်တဲ့အတွက် မိမိတို့ရှေ့တန်းဦးစီးအဖွဲ့က မူလသတ်မှတ်ထားတဲ့အတိုင်း ၃၀ ရက်နေ့နံနက်မှာ တိုက်ပွဲစတင်ဖို့ ဆုံးဖြတ်လိုက်ပါတော့တယ်။
၂၈ ရက်နံနက်မှာ တိုက်ပွဲဝင်တပ်ဖွဲ့များအားလုံးကို လက်နက်ခဲယမ်း စစ်ဆေး-ဖြည့်တင်းခြင်းများ လုပ်ဆောင်ခဲ့တယ်။
၂၈ ရက်ညနေခင်းမှာ ပါဝင်ကြမဲ့တပ်ဖွဲ့များရဲ့တပ်စုအထက်အဆင့်ကေဒါများအားလုံးကို လွယ်ပန်လုံစခန်းကြီးပေါ်မှာ စုစည်းပြီး မိမိတို့ရှေ့တန်းဦးစီးအဖွဲ့စစ်ဆင်ရေးဌာနခွဲမှ သဲမြေပုံကြမ်းဖြင့်၎င်း၊ လက်တွေ့မြေအနေအထား တိုက်ပွဲဂွင်ကို၎င်း၊ ရှင်းလင်း မိတ်ဆက်ပေးခဲ့ကြတယ်။ ဦးဇော်မှိုင်းနဲ့ ဦးဖုန်ကြားဖူးက တိုက်ပွဲစီမံကိန်းကို ရှင်းလင်းပြပြီးနောက် သက်ဆိုင်ရာတပ်ဖွဲ့မှ တပ်မှူးများနဲ့ အပြန်ပြန်အလှန်လှန်ညှိနှိုင်း
ဆွေးနွေးကြတယ်။
၂၉ ရက်နေ့ညနေပိုင်း မန်ပတ်ရွာဘေးက ကွက်လပ်ကြီးမှာ တိုက်ပွဲဝင်တပ်ဖွဲ့များကို ရှေ့တန်းဦးစီးအဖွဲ့မှ နိုင်ငံရေးမှူး ရဲဘော်အုန်းကြည်က နိုင်ငံရေးလှုံ့ဆော်မှုနဲ့ ပိုင်းဖြတ်ချက်စတဲ့ တပ်ထွက်မိန့်ခွန်းပေးပါတယ်။ နိုင်ငံရေးမှူးရဲ့ အားပါလှတဲ့ တပ်ထွက်မိန့်ခွန်းပေးနေတဲ့ အလွန်တက်ကြွဖွယ်မြင်ကွင်းဟာ မိမိတသက်မှာ မေ့လောက်စရာမရှိအောင် စိတ်လှုပ်ရှားဖွယ်ကောင်းလှပါတယ်။
(ဆက်ရန်)
အောင်တင်ထွန်း
No comments:
Post a Comment