ကျနော် အသက် ၁၉ နှစ်လောက်တုံးက လူက သိပ်တက်နေတာ။ သွေးက သိပ်ဆူသပေါ့။ မဟုတ်မခံ။ လက်ကလည်း မြန်တယ်။ အမေတို့ အမတို့ ဆိုရင် တဟဲ့ဟဲ့နဲ့ ရင်တမမ။ အဘိဓမ္မာကလည်း ရှင်းရှင်းပဲ။ မတရားမှုဆိုရင် လက်ပိုက်ကြည့် မနေနဲ့ ပြန်ဆော်ပစ်။
မဆလ အာဏာပိုင်တွေက ကန့်ကော်တန်း ဈေးလေးကို ဖျက်သိမ်း လိုက်တဲ့အခါမှာ မတရားမှုအတွက် တိုက်ပွဲဝင်ဖို့ အကြောင်း ဖန်လာတော့သဗျို့။ ဘဝမှာ ပထမဆုံး လက်နက်ကိုင် တော်လှန်ရေး လို့တောင် ဆိုနိုင်လား ဆိုနိုင်ရဲ့။ ကန့်ကော်တန်းဈေး ဆိုတာက တောင်ဥက္ကလာ ၁၆ ရပ်ကွက်တွင် တည်ရှိတယ်။
ဈေးကြီးကို ကျနော်တို့ မိကျောင်းကန်၊ ၁၆ရပ်ကွက် နဲ့ (ဈ) တောင် ရပ်ကွက် သုံးရပ်ကွက်က လူထုတွေက အများဆုံး ဝယ်ကြတယ်။ ဈေးသည်တွေကလည်း တခြားသူတွေ မဟုတ်ဘူး။ ဒီရပ်ကွက် သုံးရပ်ကွက်က လူတွေပဲ။ ကန့်ကော်ပင် တန်းကြီးတွေကို အစွဲပြုပြီး ကန့်ကော်တန်းဈေးလို့ ခေါ်တယ်။ ဧရာမ ကန့်ကော်ပင် တန်းကြီးတွေ။ ဈေးက နေရာလည်းကျယ်၊ မြေလည်းကောင်း၊ ဈေးရုံတွေနဲ့ သပ်သပ်ယပ်ယပ် ရှိတယ်။ နှစ်ပေါင်းများစွာလည်း ကြာခဲ့ပြီ ဆိုတော့ ဈေးသည်တွေနဲ့ လူထုတွေလည်း ရင်းနှီးကြတယ်။ ကျနော် ငယ်ငယ်က ကျောင်းပိတ်တဲ့ ရက်တွေမှာ ဈေးကိုသွားရင်
သိပ်ပျော်တယ်။ ဈေးထဲမှာ ကျနော် စိတ်ဝင်စားဆုံး ဆိုင်တွေက သံဖြူဆိုင်နဲ့ ကာတွန်းဆိုင်။ သံဖြူဆိုင်မှာ သံဖြူဆရာက မော်တော် လုပ်နေတာကို ကြည့်ရတာ ရင်အခုန်ရဆုံး။
ဝယ်နိုင်ဖို့ နေ့စဉ် ပိုက်ဆံ စုခဲ့ရတာက ချိုးလက်ရေ မကုန်နိုင်။ အမေက ဟဲ့ ဈေးထဲမှာ ဘာသွားဝယ်ဦးဆို ကောက်ကနည်း ထပြေးပေးခဲ့တာက ဒီဆိုင်တွေ ရှိနေတာလည်း တကြောင်းပေါ့။
ဈေးသည်ကြီးတွေက ဟဲ့ ကောင်လေး ခဏစောင့် ရဦးမယ်။ နင်မှာတာ မရသေးဘူး။ စောင့်နိုင်လားဆိုရင် စောင့်ရတဲ့ အချိန်မှာ ကာတွန်းဆိုင်ကို ပြေးခဲ့မိတာ မှတ်မိတယ်။ ကာတွန်းဆိုင်က ရွှင်ပြုံး၊ တေဇ၊ ရွေသွေးတွေကို မက်မက်စက်စက် ဖတ်တယ်။ ဦးဘကြည် လက်ရာတွေ အကြိုက်ဆုံး၊ ဇာတ်လမ်းတွေကလည်း အများဆုံးက ၅၅၀ နိပါတ်တော်လာတွေ။ ကလေးတွေကို စာရိတ္တ ကောင်းမွန်ရေး အလိုငှာ ကောင်းမှုနဲ့ မကောင်းမှု ဇာတ်ရုပ်တွေနဲ့ ခွဲခြားပြတယ်။ စာဖတ်တာကို စွဲလို့။
ဈေးကြီးက ကျနော် အရွယ်ရောက်လာလေ စည်လာလေပဲ။ ဈေးထဲကို သွားရတဲ့ ပျော်ရွင်မှုကနေ ရင်ခုန်မှု အဖြစ်လည်း ပြောင်းလဲလာရဲ့။ ဒါကတော့ မတင်သန်းကြောင့်ပေါ့။ မိန်းမက အသားညိုညို။ အရပ်က မြင့်မြင့်။ သွယ်တဲ့ကိုယ်ဟာ သပြေပင်လိုလှ ။ ကြည့်လို မဝနိုင်ဘူး။
သူမက ဈေးထဲမှာ ကုန်ခြောက် ရောင်းတယ်။ ကျနော်တို့က တရပ်ကွက်တည်းသားတွေ။ ရပ်ကွက်ထဲက လူကြီးတွေက ပါးစပ်ကြမ်းတယ်။ တင်သန်းနဲ့ ကျနော်ကို ငယ်ငယ်ကတည်းက စလာတာ။ ငယ်ငယ်တုံးက သူနဲ့စရင် စိတ်ဆိုးမိတာတွေကို နောင်တ ရချင်သလိုလို ဖြစ်လာတယ်။ တင်သန်းဆိုင်ကို သွားရင် လူတွေက
"ဟေ့ တင်သန်း နင့်ယောက်ျား လာပြီ။"
"ဟာ မဟုတ်ရပါဘူးဗျာ။ "
သူက - " ဦးလေးကလည်း ပေါက်ကရ ရှစ်ဆယ်တော် ကျမတို့က မောင်နှမတွေပါတော်။"
မျက်နှာ စပ်ဖျဉ်းဖျဉ်း ဖြစ်ရတယ်။ ဒါပေမဲ့ အစခံရတာကိုက အရသာ ရှိသလိုလို ဘာလိုလို။
တနေ့တော့ ငပေညီ ပေကြည် က ဈေးကြီး ဖျက်ရတော့မယ်ကွ ဆိုတဲ့ အမင်္ဂလာ သတင်းကို ယူလာတယ်။ ဟုတ်ရဲ့လားကွလို့ တအံတသြ မေးမိတယ်။ သူက သင်္ကန်းကျွန်း မြို့နယ်ကောင်စီ ဥက္ကဌ လက်မှတ်နဲ့ ဈေးထိပ်မှာ စာရွက်တရွက် ကပ်ထားတယ်လို့ ဆိုတယ်။
စုံစမ်းကြည့်တော့ ဟုတ်တယ်။ ဈေးသူဈေးသားတွေ အားလုံး စိတ်ပျက်နေကြတယ်။ အာဏာပိုင်တွေက ဒီနေရာက မကောင်းဘူး။ ပိုကောင်းတဲ့ နေရာကို အစိုးရက စီစဉ်ပေးတာလို့ ပြောတယ်။ ဈေးကို ဖျက်ပြီး နေရာသစ်ကို ပို့ဖို့ လုပ်တယ်။ နေရာသစ်က ၃မိုင်လောက် ဝေးသွားတယ်။ ၁၅ ရပ်ကွက် လမ်းဆုံနားက နေရာ။ ဒီသုံးရပ်ကွက်က လူတွေက ပိုများတယ်။ နေရာသစ်က လူလည်း ပြတ်တယ်။ ဈေးတည်ဖို့ မကောင်းဘူး။ ဒီနေရာကို ဈေးပြောင်းရတဲ့ အကြောင်းက နောက်ခံက ရှိတယ်။ ဒါကတော့ မဆလခေတ်က ဝန်ကြီးတယောက် ဖြစ်ခဲ့တဲ့ နိုင်ငံတော် ကောင်စီဝင် ဦးသန်းစိန်ဆိုတဲ့ လူကြီးက ၁၅ ရပ်ကွက်ကို ပြောင်းလာလို့ဗျ။
သူအိမ်က လူတွေ အဆင်ပြေအောင် ဈေးကို သူ့ အိမ်နားကို ရွှေ့တာလို့ လူတွေက ပြောကြတယ်။ အစိုးရ လုပ်ပေးတဲ့ ဈေးသစ်မှာကလည်း ဆိုင်ခန်းတွေ အလုံအလောက် မပေးပြန်ဘူး။ အလုံအလောက် ဆောက်မပေးပြန်ဘူး။ ဆိုင်ခန်း ၁၀၀ ခန့်သာ ရှိတယ်။ တကယ်က ဈေးသည်တွေက လေး ငါးရာ အနည်းဆုံး ရှိတယ်။ ဒီတော့ ဆိုင်ခန်း မရတဲ့ သူတွေက ဈေးနားမှာ မရောင်းရဘူး ဖြစ်လာတယ်။ ဒီတော့ ဈေးသည်တွေလည်း ဒုက္ခရောက်။ ဈေးဝယ်တွေလည်း ဒုက္ခရောက် ကုန်တယ်။
ဈေးကွက်ဟာ သူအလိုလို ဖြစ်ပေါ်နေတယ် ဆိုတာကို ဒီ ဈေးသည်တွေနဲ့ အာဒမ်စမစ်တို့ သိနေကြပုံကတော့ သာမန် တိုက်ဆိုင်မှုလို့ ကျနော် မထင်ဘူး။ အာဒမ်စမစ်က ဈေးသည်တွေဆီက သင်သွားတာ ဖြစ်မယ်။
ဒီတော့ သူတို့ဟာ အာဏာပိုင်တွေချပေးတဲ့ နေရာသစ်ကို မသွားတော့ဘဲ အရင်ဈေးဟောင်းနဲ့ မလှမ်းမကမ်းမှာ သူတို့ရဲ့ ကုန်ပစ္စည်းတွေကို ချရောင်း လိုက်ကြတယ်။ ဈေးတန်းကြီး ဖြစ်လာတော့တယ်။ လူထုတွေ လမ်းဘေးမှာ ဖန်တီးလိုက်တဲ့ ဈေးက
တစ် - သွားလာရေး အဆင်ပြေတယ်။ နှစ်- လူအများစု ရှိတယ်။ သုံး- ဈေးချိုတယ်။
လေး- ရောင်းသူ ဝယ်သူ သိနေကြတဲ့အတွက် အကြွေးမြီကိစ္စ စိတ်ချရတယ်။ ဒီတော့ ဈေးကြီးက ကျိတ်ကျိတ်တိုး စည်ကားလာတယ်။ ပါတီကောင်စီ လူကြီးတွေ ဖဲကြိုးဖြတ် ဖွင့်လှစ်ပေးခဲ့တဲ့ ဈေးသစ်က တလလောက်အကြာမှာ တင်ပဲ ကျီးနဲ့ ဖုတ်ဖုတ်။ ခွေးနဲ့ တရုံးရုံး။ ညဖက်မှာ ဆေးခြောက်သမားတွေ အတွက် တုံးလုံးပက်ခေါက် ဇိမ်ယူရာ။ နေ့ဖက်မှာ ဇယ်တောက်သူတွေ အတွက် စခန်းတခုမျှသာ။
ဒီတော့ အာဏာပိုင်တွေက ဈေးသည်တွေ ဖန်တီးထားတဲ့ လမ်းဘေး ဈေးလေးကြောင့် ဒီလိုဖြစ်တာလို့ ကောက်ချက် ဆွဲတော်မူတယ်။ မြို့နယ်ကောင်စီ ဥက္ကဋ္ဌက ဝန်ကြီး ဦးသန်းစိန်ကို မျက်နှာလုပ်တယ်။ သူအိမ်နားက ဈေးကို စည်အောင် လုပ်ပေးချင်နေတယ်။ ဈေးကွက်ကို အမိန့်နဲ့ ပေးပြီး တည်ဆောက်ဖို့ လုပ်တယ်။ လမ်းဘေး ဈေးလေးကို ဖျက်ဆီးတော့တယ်။ ဂဠုန်တွေ လွှတ်ပြီး ဖမ်းတယ်။
ဂဠုန် ဆိုတာက မဆလခေတ်မှာ လမ်းဘေး ဈေးသည်တွေကို ဖမ်းဖို့ ဖွဲ့ပေးထားတဲ့အဖွဲ့ ရပ်ကွက် အသီးသီးက လူဆိုး လူမိုက်တွေနဲ့ ဖွဲ့ပေးထားတာ။ အခုခေတ် စွမ်းအားရှင်လို အဖွဲ့ပေါ့။
အာဏာပိုင်တွေက လုပ်ပိုင်ခွင့် ပေးထားတော့ အတောင် တပ်ပေးလိုက်တဲ့ တောခွေးအလို ဖြစ်နေတယ်။ ဈေးသည်တွေကို ဖမ်းတယ်။ ဈေးသည်တွေ ပစ္စည်းတွေကို တရားဝင် လုယူခွင့် ရနေသလို ဖြစ်နေတယ်။
အခုလည်း ဒီအဖွဲ့က ဈေးတန်းကို အငြိုးတကြီးနဲ့ နေစဉ်ရက်ဆက် ဖမ်းနေတဲ့ သတင်းကို ကျနော် ကြားနေရတယ်။ ထွက်ပြေးလာတဲ့ ဈေးသည်တွေက ဈ တောင်ရပ်ကွက် တောတန်းလေးထဲမှာ ပြန်ရောင်းချကြပြန်တယ်။ သုံးလေးလ ရောင်းကြပြန်တယ်။ နောက်တော့ တောတန်းလေးထဲ လိုက်ဖမ်းကြပြန်တယ်။ ဈေးသည်တွေဟာ ဟိုမှာ ရောင်းလိုက် ဒီမှာ ရောင်းလိုက်နဲ့ ကရွတ်ကင်းလျှောက် ဖြစ်နေတယ်။ အတော်ကို ဒုက္ခရောက်နေတယ်။
ဒီတော့ ကျနော်တို့ မိကျောင်းကန် ရပ်ကွက်က လူငယ်တွေက မနေနိုင်တော့ဘူး။ ကျနော်တို့ ရပ်ကွက်ထဲမှာ လာရောင်းပါ။ ဘယ်ဂဠုန်မှ မထိစေရပါဘူးပေါ့။ ဈေးသည်တွေကို သွားပြီး ပြောတယ်။
ဒီလိုနဲ့ ဈေးတန်းဟာ ကျနော့် အိမ်ရှေ့တည့်တည့်က စပြီး ဈေးတန်းကြီး ဖြစ်နေတော့တယ်။
ဈေးက တကျိတ်ကျိတ် စည်ကားလာတယ်ဗျ။ နံနက်ခင်းဟာ အသက်ဝင်နေတယ်။ ရိုးသားမှု အပြည့်ရှိတယ်။ မျှော်လင့်ချက်တွေ ရှိနေတယ်။
ဟင်းသီးဟင်းရွက်သည်တွေ၊ သားငါးပုစွန် ရောင်းသူတွေ တောင်းတွေ ပလုံးတွေ၊ ကုန်ခြောက်တွေ၊ သစ်သီးတွေနဲ့ဗျာ ကုန်ကုန်ပြောရရင် ကျနော်ငယ်ငယ်က နှစ်သက်ခဲ့တဲ့ သံဖြူဆိုင်လေးတောင် ပါလာသဗျ။။ ကျနော်တို့ အိမ်ရှေ့မှာ ဈေးတန်းလေး အသက်ရှင်နေတာ နှစ်လလောက် ကြာလာတယ်။ ကျနော် ဆယ်တန်း စာမေးပွဲဖြေဖို့ အချိန်ကလည်း နီးကပ်လာပြီ။
တနေ့ နံနက် ကိုးနာရီလောက် ဈေးအစည်ဆုံး ဖြစ်နေတဲ့အချိန်မှာ လက်ပတ်အနီ ပတ်ထားတဲ့ ဂဠုန်တွေဟာ မြူနီစပယ် ကားကြီးနဲ့ ဈေးထဲကို တရကြမ်းမောင်း ဝင်ချလာတော့တယ်။
လမ်းကလည်း သိပ်ကျယ်လှတာမဟုတ်ဘူး။ ကားတစီးစာပဲ ရှိတယ်။ ကားက ဈေးဘမ်းတွေကို တခုပြီးတခု တက်ကျိတ်ပြီး မောင်းလာတယ်။ "ဂလုံဂွမ် -ဂလုံဂွမ်နဲ့ ဈေးဗန်းတွေ မှေက်ထိုးခွက်လှန် ဖြစ်ကုန်တယ်။ တချို့ ဈေးသည်တွေလည်း ဈေးဗန်းတွေ ဆိုင်းတန်းတွေကို ထမ်းကြပိုးကြနဲ့ ထွက်ပြေးကြတယ်။ ဂဠုန်တွေက ဈေးဗန်းတွေကို အကြမ်း ဗရမ်း ဆွဲတင်ပြီး ကားပေါ်ကို ပြစ်တင်ကြတယ်။ ကမ္ဘာပျက်သလို ဖြစ်သွားတယ်။
ဒီမြင်ကွင်းကို ကျနော်က အိမ်အပေါ်ထပ်ကနေ မြင်နေရတယ်။
ဖတ်နေတဲ့ ကျောင်းစာအုပ်ကို ပိတ်လိုက်ပြီး အိမ်အောက်ကို ဆင်းလာတယ်။ အမေတော့ မရှိဘူး။
"အမက ဟဲ့ မောင်လေး နင်အထဲ ပြန်ဝင်စမ်းပါ။ စာသွားကျက်နေနော် မောင်လေး ထွက်မပါနဲ့" လို့ လှမ်းတား တော့တယ်။ ကျနော်က "အမရာ ငါခဏ ကြည့်မလိုပါဟ။" ကျနော် သူ့ကို တွန်းဖယ်ပြီး အိမ်ရှေ့ ထွက်ခဲ့တယ်။ ဒီချိန်မှာ ကျနော်တို့ ရပ်ကွက်ထဲက ကျနော့် သူငယ်ချင်းတွေ ဖြစ်တဲ့ ကိုသိန်းဝင်း၊ ငပေနဲ့ ကုလားကြီး သန်းထွန်းတို့နဲ့ ဂဠုန် တွေဟာ စကား စများနေတယ်။ သူတို့ အားလုံးက ကျနော်ထက် အသက်ကြီးကြတယ်။ မဟုတ်မခံတဲ့ လူတွေ။ လက်သံလည်း ပြောင်ကြတဲ့ အတွက် ရွာနီးချုပ်စပ်မှာ သူဟာနဲ့သူ နာမည်ရနေပြီးသား ကောင်တွေ။
သူတို့ထဲမှာ ကိုသိန်းဝင်းက လူကောင်သေးပေမဲ့ စဉ်းစဉ်းစားစား စကားပြောတတ်တဲ့အတွက် ကျနော်တို့က သူကို ဆရာ တင်ထားသလို ဖြစ်နေတယ်။ သူကပဲ ဂဠုန်တွေကို ဦးဆောင်ပြောတယ်။
သူက -
"ခင်ဗျားတို့ ဒီလိုတော့ မတရားမလုပ်နဲ့ သူဘာသာသူ ကောင်းရောင်းကောင်းဝယ် လုပ်စားတာ။ ဒီလိုတော့ မဖမ်းသင့်ဘူး" လို့ ပြောနေတယ်။
သူတို့ထဲက ခေါင်းဆောင် လုပ်တဲ့သူက "မင်းက ဘာကောင်မို့လည်း ကိုယ်လမ်းကိုယ်သွားပါ နာချင်လို့လား" လို့ ဟိန်းဟောက် လိုက်တယ်။ ပြီးတော့ ကိုသ်ိန်းဝင်း ရင်ဘတ်ကို ဆောင့်တွန်းလိုက်တဲ့ အခါမှာတော့ ပွဲက စသွားပါတော့တယ်။ တယောက်တပြန် ချကုန်ပြီ။ အခြေအနေကို ကျနော် သဘောပေါက်ခြေပြီ။ အိမ်ထဲကို ဇတ်ကနဲ ပြန်ဝင်လိုက်တယ်။ အကျီကို ချွတ်လိုက်တယ်။ အပေါ် ကိုယ်ဗလာမှာ ဆံပင်တွေကို ဖြေချလိုက်တယ်။ ပြီးတော့ တံခါးကြားမှာ ထောင်ထားတဲ့ သံတူရင်း ကောက်ကို ဆွဲပြီး ရိုက်ပွဲထဲကို လွှားကနဲ ခုန်ဝင် လိုက်ပါတော့တယ်။
လမ်းမပေါ်မှာ တွေ့ရတဲ့ ဂဠုန်တယောက် ခေါင်းကို သံတရွင်းနဲ့ အားပါးတရ ဝင်ရိုက်ပစ်လိုက်တယ်။ အမရဲ့ "အမလေး လုပ်ကြပါဦး" ဆိုတဲ့ အသံက နားထဲမှာ စူးကနဲ ကြားလိုက်ရတယ်။
ဒီလူ အရှောင်မြန်သွားတယ်။ ဒါပေမဲ့ သူ့နားထင်ကို ရှပ်မိတယ်။ သူ့ပခုံးကတော့ မိမိရရ ထိလိုက်တယ်။ ဖျာကနဲ ထွက်သွားတဲ့ သွေးတွေနဲ့အတူ သူလဲကျသွားတယ်။ ဒီလူတော်တော် နာသွားပုံရတယ်။ သူလူတွေပါ လန့် ပြီး မကပ်ရဲဘူး ဖြစ်သွားကြတယ်။
လူက သွေးဆူနေပြီ။ ကိုသိန်းဝင်းက ဂဠုန် သုံးယောက်လောက်ကို မနည်း ခုခံနေရတယ်။ သူက နှစ်တလက်မ ဒုတ်ကို အားကုန်လွှဲ ရိုက်နေတယ်။ ကုလားကြီးကို ဂဠုန် ၆ ယောက်လောက်က ဝိုင်းကန်နေကြတယ်။ ငပေ မျက်နှာမှာ သွေးကွက် တချို့ကို တွေ့နေရတယ်။ ဒါတောင် သူက ကျနော်တို့ထဲမှာ အရပ်လည်းကောင်း၊ ကိုယ်လုံးကိုယ်ပေါက်လည်း အတောင့်ဆုံး။
လမ်းဘေးက ခြံစည်းရိုးတိုင်တွေ တဖြောင်ဖြောင်း ကျိုးသံ ရိုက်သံတွေ ဆူညံနေရဲ့။ ဒီအချိန်မှာ ကားပေါ်က ခုန်ဆင်းပြီး ဂဠုန်တွေ ထပ်ဝင်လာတယ်။ ဂဠုန်တွေ ကားပေါ်က ခုန်ဆင်းပြီး နေရာ မယူနိုင်ခင်မှာ ကျနော် ပြေးပြီး သံတူရင်းကောက် နဲ့ အားကုန် ဖြတ်ရိုက် ချလိုက်တယ်။
တယောက် ပုံရက် လဲကျသွားတယ်။ နှစ်ယောက် ဝင်လုံးဖို့ လုပ်တယ်။ သံတူးရင်းကောက်ကို စုံကိုင်ပြီး တည်ထားပေး လိုက်တော့ ဒီကောင်တွေ မကပ်ဝံ့ဘူး။ သူတို့ ရှဲသွားတယ်။
ကျနော်တို့ဖက်က လေးယောက်သာ ဖြစ်ပြီး ဂဠုန်က ၂၀ လောက် ဖြစ်တဲ့အတွက် အခြေအနေက မမျှ ဖြစ်နေတယ်။ အရေးနိမ့်မလို ဖြစ်နေတယ်။ ဈေးသည်တွေ အများစုက မိန်းမကြီးတွေ၊ အသက်ကြီးတဲ့ ယောက်ျားတွေ သူတို့က ဝင်မကူကြဘူး။ အော်ဟစ် ငိုယိုနေကြတယ်။ တိုးရှိုးတောင်းပန် နေကြတယ်။
ဒီအချိန်မှာ ကျနော်တို့ ရပ်ကွက်သားတဦး ဖြစ်တဲ့ ဝင်းကြည်ဟာလည်း သံဒုတ်ကြီး တချောင်းကို ဆွဲလာပြီး ကူဖို့ အသားကုန် ပြေးဝင်လာပါတယ်။ ရပ်ကွက်ထဲမှာ ကျနော် သူ့ကို ကြည့်လို့ မရဆုံး။ ငယ်ငယ်က သူနဲ့ကျနော် မကြာခဏ ဗိုလ်လုကြတယ်။ အရှုံးအနိုင် မပေါ်ခင်မှာ လူပျိုတွေ ဖြစ်လာကြတယ်။ ကျနော် သူ့ကို သောက်မြင်ကပ်ရတဲ့ အကြောင်း ကတော့ သူဟာ ဇာတ်မင်းသား ရူးရူးနေသဗျ။ သူက နာမည်မရသေးတဲ့ ဇာတ်တဖွဲ့မှာ ဇာတ်မင်းသား လုပ်နေတယ်။ ဇာတ်သံ ဇာတ်ဟန်လိုလို စကားပြောတာ အိုင်တင် လုပ်နေပုံတွေက ရိုက်ချင်စရာပေါ့ဗျာ။ မနှစ်က တန်ဆောင်တိုင်ပွဲ တုံးကလည်း သူနဲ့ကိုယ်နဲ့ ညိလု ညိခင်ပဲ။ ပွဲဈေးတန်းမှာ တင်သန်းကို ကြည့်တဲ့ မျက်လုံးတွေက မှဲ့တပေါက် ရုပ်ရှင်ထဲက ဦးကျောက်လုံးကြီး ဒေစီကျော်ဝင်းကို ကြည့်သလိုမျိုး။ ငပေနဲ့ သိန်းဝင်းက နှစ်ယောက်ကြားမှာ ဝင်ဖျင်လိုက်လို့။ သူရှိတဲ့ ခြင်းဝိုင်း ကျနော်မသွား။ ကျနော်ရှိတဲ့ ကိုတင်ဦး ဆံပင်ညှပ်ဆိုင်ကို သူမလာ။ နှစ်ယောက် အထာနဲ့ နေနေကြရတယ်။
ဒီနေ့ပွဲတော့ ကိုယ်တော်မြတ်က ဘယ့်နှယ်စိတ်ကူးပေါက်ပြီး ဝင်ချလာလဲ မသိဘူး။ သူက အသားမဲတယ်။ အပေါ် ကိုယ်ဗလာ၊ အောက်က ရှမ်းဘောင်းဘီ အနက်ကို ဝတ်ထားတယ်။ သူက သံဒုတ်ကို မွေ့ရမ်းပြီး ဝင်လာတော့ ကျနော်တို့ အားတက်သွားတယ်။ သူပြေးဝင်လာတော့ ကုလားကြီး သန်းထွန်းကို ကူမယ်လို့ ကျနော် ထင်မိတယ်။ ကျနော့် အထင်မှားတယ်။ ကုလားကြီးကို မကူဖူး။ ဒီအချိန်မှာ ဂဠုန်တွေက သူ့ကို ဆီးပြီး ရိုက်တယ်။ သူက ခုန်ရှောင်လိုက်တယ်။ ဆက်ပြေးလာတယ်။ ကိုသိန်းဝင်းကိုလည်း မကူ။ ငပေဖက်လည်း မလှည့်။ ကျနော့်ဖက်ကိုလည်း စစ်ကူမလာ။ သောက်ရူးလို့ စိတ်ထဲက ဆိုမိတယ်။
သူက အားလုံးကို ကျော်လွှားပြီး လမ်းဘေးမှာ ထိုးရပ်ထားတဲ့ မြူနီစပယ်ကား ခေါင်းပေါ်ကို လွားကနဲ ခုန်တက် တော်မူတယ်။ ပြီးတော့ လက်ထဲက သံဒုတ်ကြီးနဲ့ ကားမှန်ကြီးကို ဂွမ်းကနဲ နေအောင် ရိုက်ချလိုက်သဗျ။ သူ့  ဗျူဟာ မဆိုးလှဘူး။
ဂဠုန်တွေဟာ လန့်သွားကြတယ်။ ဂဠုန်တွေက လူများပေမဲ့ တချို့ကောင်တွေက သိပ်သတ္တိရှိကြပုံ မရဘူး။ သင်္ကန်ကျွန်း မြ်ို့နယ် ကောင်စီက ဘဲသားဟင်းနဲ့ ထမင်းကျွေးမယ် ဆိုပြီး လမ်းဘေးက ကောင်တွေကိုလည်း ခေါ်လာတယ်လို့ နောက်ပိုင်းမှာ သိရတယ်။
ဝင်းကြည်က ကားမှန်ကြီးကို ရိုက်ခွဲချလိုက်တော့ ရန်သူ စစ်ဌာနချုပ်ကို သိမ်းပြီး ကျူပ်တို့ အလံလွှင့်လိုက်သလို ဖြစ်သွားပုံ ရတယ်။ ငနဲတွေ စိတ်ဓါတ်က အုန်းသီးကြွေကျသလို ကျတာ။ ဝရုန်းသုန်းကား ထွက်ပြေး ကုန်ကြတယ်။ ကျနော်တို့ စိတ်ဓါတ်တွေ ဒီရေလို တက်လာကြတယ်။
ခြံစည်းရိုးကြား၊ ရေမြောင်ကြားမှာ ဒလိမ့်ခေါက်ကွေး ဖြစ်နေတဲ့ လက်ကျန် ဂဠုန်တချို့ ကို လိုက်ရိုက်ကြတယ်။ ရပ်ကွက်ထဲက အမယ်ကြီးတွေက " အမေလေး သတ်ကုန်ပါပြီ မလုပ်ကြပါနဲ့"
"တော်ပါတော့ သေသွားလမ့်မယ်။ ဟဲကောင်လေးတွေ တော်တော့" ဆိုတဲ့အသံတွေ ဆူညံနေတယ်။ ဒေါ်အေးမိကြီးဆို ပြောရင်း တက်သွားလိုက်သေးရဲ့။
အချိန်ကလည်း မနက်စောစော ဆိုတော့ ရပ်ကွက်ထဲမှာ လူကြီးတွေ အလုပ်သွားချိန် ဆိုတော့ ဆွဲမဲ့သူ မရှိဘူး။ ဒီကောင်တွေ အကုန်လုံး ထွက်ပြေးကြတယ်။ ဒဏ်ရာရတဲ့ သူတွေကို သယ်ပိုးပြေးကြတယ်။ ကျနော်တို့ ဆက်မလိုက်ဘဲ ရပ်လိုက်တယ်။
သူတို့ မောင်းလာတဲ့ကားကြီး မှန်တွေ တစစီ ဖြစ်သွားတယ်။ ကျနော်တို့ ကားခေါင်းကို အားပါးတရ ဆက်ရိုက်လိုက် သေးတယ်။ အားရသွားတော့မှ သတိထားမိတယ်။
ကျနော် ပါးတခြမ်း ပူနေတယ်။ ကုလားကြီး ခေါင်းကွဲတယ်။ သိန်းဝင်းက ခြေထော့နင်းထော့နင်း ဖြစ်နေတယ်။ ငပေက မျက်လုံးတဖက် မြင်လို့ မကောင်းလောက်အောင် ဖူးရောင်နေတယ်။ ဝင်းကြည်ကတော့ ဇာတ်မင်းသားရူးပီပီ အမောက်တောင် သိပ်မပျက်လိုက်ဘူး။ ဒဏ်ရာ အညိုမဲတွေ စွဲနေတဲ့ တယောက်မျက်နှာ တယောက်ကြည့်ပြီး ရီကြတယ်။ တိုက်ပွဲ အတွေ့အကြုံကို အားပါတရ ဖေါက်သည် ချကြတယ်။
ဂဠုန်တွေ တပ်ပျက် ပြေးရတော့ ဖိနပ်တွေ လမ်းထဲမှာကျွတ် ကျန်ခဲ့တာ ဖွေးနေတာပဲ။
ဝင်းကြည်က ဆင်ကြယ် ဖိနပ်တရံကို ကောက်စွပ်ပြီး သံဒုတ်ကို ရာမလေးထမ်းတဲ့ ဟန်နဲ့ အိမ်ကို ပြန်သွားတယ်။ ထွက်သွားတဲ့ ဝင်းကြည်ကို ကြည့်ပြီး ကုလားကြီးက
"ဒီကောင်နဲ့ကွာ ငါ့ရှေ့  ဟိုခွေးမသား ဂဠုန်ကွာ၊ ဆဲဗင်းဒေး အကျီအညိုရောင် ဝတ်ထားတဲ့ ဂဠုန်ကောင်လေကွာ။ ဒီကောင့်ကို ကိုင်မလား မှတ်တယ်။ မကိုင်ဘူး။"
ကျနော်က ဂဠုန် တွေ ကျန်ခဲ့တဲ့ ဖိနိပ်တွေထဲက ဂွင်းထိုးအသစ် တရံကို ကောင်စွပ်လိုက်ရင်း
"ဒါပေမဲ့ ကားမှန်ကို ခွေးမသား ဝင်းကြည် ရိုက်ခွဲ လိုက်တာတော့ မှန်သွားတယ်နော်။ ဟို မအေ-ိုး တွေ လန့်သွားတယ်။
နို့မို့ဆို ပြေးမှာ မဟုတ်သေးဘူး။"
သိန်းဝင်းက "ဒီကားက မြူနီစပယ်ရုံးက သူတို့ ငှားလာတဲ့ကားကွ။"
ပြီးတော့ ကျန်တဲ့ ဖိနပ်တွေကို ဈေးသည်တွေကို ယူချင်ယူကြလို့ လှမ်းပြောလိုက်တယ်။
ဒဏ်ရာကိုယ်စီနဲ့ ကျနော်တို့ဟာ သိန်းဝင်းတို့ အိမ်ဝင်းထဲ စုမိတယ်။ သိန်းဝင်း ညီမတွေ ဖြစ်တဲ့ မတိုးတို့ မိုးမိုးတို့က အမလေး အကိုကြီးတို့ရဲ့ ဒဏ်ရာတွေချည်း ပါလား ဆိုပြီး အော်ငိုကြ။ ဒဏ်ရာတွေကို ရေဆေးကြ။ တင်ချာတွေထည့် ပေးကြ။ ရူပ်ရှက် ခတ်နေကြတယ်။
ကျနော်တို့ ရပ်ကွက်ရဲ့ လှထွတ်ခေါင်တွေ ဖြစ်တဲ့ မိငယ်တို့၊ စုစုတို့ ၊ လှလှတို့က သူတို့ရဲ့ ဧရာမ တင်ပါးကြီးတွေကို ဖယ်ရမ်း ရောက်လာတယ်။ ကျနော်တို့ ဒဏ်ရာတွေကို သူတို ဝိုင်းကူ ဆေးကြော သုတ်သင်ကြပေ့ါ။ သိန်းဝင်းတို့ အိမ်က ယာယီ ဆေးခန်း ဖြစ်သွားတယ်။ လူအုပ်က ကျနော်တို့ကို အုံကြည့်နေတုံး။
အုန်းလက်တွေကို ဖြတ်ပြီး ကျလာတဲ့ နံနက်ခင်း နေရောင်မှာ ရှည်လျားဆုံး မျက်တောင်တွေနဲ့ ပြူးကျယ်ဆုံး မျက်လုံးအစုံ က ကျနော်အပေါ်ကျလာတယ်။
"အမေလေး သွေးချည်းပါလား။ ဒီလိုနေလို့ မဖြစ်ဘူး။ ဆေးရုံသွားမယ်။ ဆေးရုံသွားမယ်။ ဘယ်ထိသွားသေးလည်း" လို့ စိုးရိမ်တကြီး ပြောလာတော့။
ငပေက "တင်သန်းရာ သည်းနေလိုက်တာ နင့်လင် ဘာမှမဖြစ်ဘူး။ ခံရတာက ငါ။ မေးဖေါ်မရဘူး" တင်သန်းက ငပေ ကျောကုန်းကို ဖုန်းဖုန်းနဲ့ လိုက်ထု။ ငပေက "ဟ ကောင်မ ရ နာတယ်ဟာ နာတယ်ဟ" ဆိုပြီး လှည်ပတ်ရှောင်။ တင်သန်း ပါးစပ်ကလည်း "မသာ၊ သေချင်းဆိုး။ နင်သေလိုက်ဖို့ ကောင်းတယ်" လို့ ကက်ကက်လန် ဆဲလိုက်တယ်။ အားလုံး တဝါးဝါးနဲ့ ဝိုင်းရယ်နေကြတယ်။
ဖြူတဲ့အရောင်၊ ညီတဲ့သွား ရှည်လျားတဲ့ နှုတ်ခမ်းများကြောင့် ဖရုသဝါစာသည်ပင် သူ့ ပါးစပ်တွင် လှနေ၏။
မိုးသီးဇွန်
-------------------------------
တိုက်ပွဲကို နိဂုံးချုပ်တော့ ကျနော်တို့ နိုင်တယ်။ ရပ်ကွက်တိုင်းမှာ စွာလာတဲ့ ဂဠုန်တွေဟာ ကျနော်တို့ ရပ်ကွက်မှာ တပ်ပျက်တယ်။
ကောင်စီတွေ ရဲတွေ ရောက်မလာခင် ကျနော်တို့ ရှောင်နေလိုက်တယ်။ တယောက်မှ အဖမ်းမခံရဘူး။ ကျနော်တို့ လေးငါးလ အိမ်ကို မပြန်ကြဘူး။ အိမ်ကိုတော့ သုံးလေးခေါက် လာမေးပေမဲ့ အမေတို့ အမတို့က မရှိဘူး။ ပြေးပြီလို့ လုပ်ထားလိုက်တယ်။ တယောက်မှ အဖမ်းမခံရဘူး။ ကျနော်တို့ လေးငါးလလောက်ပဲ ရှောင်နေလိုက်ရတယ်။
ကားမှန်ကြီး ကွဲသွားတဲ့အတွက် မြို့နယ်ကောင်စီ တချို့ပြုတ်တယ်။ ဘာဖြစ်လို့လည်း ဆိုတော့ လုပ်ပိုင်ခွင့် ကျော်လုပ်လို့ သိရတယ်။ သုံးလလောက် မရမ်းကုန်း မြောက်ဥက္ကလာကနေ မြို့ထဲကို ကျောင်းဆက်တက်နေရတာတော့ ကသီလင်တ နိုင်တာပေါ့။ ဒီနှစ်မှာပဲ ကျနော် ဆယ်တန်းအောင်တော့ မဆိုးဘူးပေါ့။
No comments:
Post a Comment